قىتايدا تۋريستى جابايى مايمىلدار تالاپ تاستاعان

استانا. KAZINFORM - قىتايدا ءبىر توپ جابايى مايمىل تۋريسكە شابۋىل جاساپ، ونى تالاپ تاستادى، - دەپ حابارلايدى Tengritravel.kz ءتىلشىسى The Mirror باسىلىمىنا سىلتەمە جاساپ.

وقىس وقيعا قىتايدىڭ جياڭشي پروۆينتسياسىنداعى ۋگۋن تاۋىندا بولعان. جابىرلەنۋشى سول جەرگە ەكسپەديتسيالىق توپپەن بىرگە بارعان كورىنەدى. الايدا ساپار باستالعاننان جارتى ساعاتتان كەيىن ولاردىڭ الدىنان بەس-التى ماكاكا اتىپ شىققان.

جانۋارلار تۋريستەرگە شابۋىل جاساعان. ولاردىڭ ىشىندە ايەل مەن ونىڭ دوسى ەڭ كوپ جاراقات العان. ولار بىردەن اۋرۋحاناعا جەتكىزىلدى.

جەرگىلىكتى بيلىك اۋا رايىنا بايلانىستى ماكاكالاردىڭ جاقىندا تاۋدان تومەن تۇسكەنىن ايتىپ ءتۇسىندىردى.