قىتايدا تاعى ءبىر جەر سىلكىنىسى تىركەلدى

استانا. KAZINFORM - سارسەنبى كۇنى قىتايدىڭ سولتۇستىك باتىسىنداعى شينحاي پروۆينتسياسىندا 5,5 بالدىق جەر سىلكىنىسى بولدى، دەپ حابارلايدى شينحۋا.

شينحايداعى جەر سىلكىنىسى 8-قاڭتار كۇنى بەيجىڭ ۋاقىتىمەن 15:44-تە بولدى. جەراستى دۇمپۋلەرى شينحاي پروۆينسياسىنىڭ گۋولو- تيبەت اۆتونوميالىق پرەفەكتۋراسىنىڭ مادۋو وكرۋگىندە تىركەلدى.

قىتايدىڭ سەيسمولوگيالىق ورتالىعىنىڭ مالىمەتىنشە، جەر سىلكىنىسىنىڭ وشاعى 34,79 گرادۋس سولتۇستىك ەندىكتە، 97,51 گرادۋس شىعىس بويلىقتا جاتىر. گيپوسەنتر 14 ك م تەرەڭدىكتە جاتقان.

شينحاي - قىتايدىڭ سولتۇستىك- باتىسىنداعى حالقى از پروۆينتسيا. جەر سىلكىنىسى بولعان مادۋو وكرۋگىنىڭ ورتاشا بيىكتىگى تەڭىز دەڭگەيىنەن 4 مىڭ مەتردەن اسادى.

قۇرباندار مەن قيراۋلار تۋرالى اقپارات تۇسكەن جوق.

ايتا كەتەيىك، 7-قاڭتاردا شيزاڭ اۆتونوميالىق اۋدانى ريگازە قالاسىندا بولعان جەر سىلكىنىسى سالدارىنان 126 ادام قازا تاۋىپ، 180-نەن استامى جاراقات العان بولاتىن.

اۆتور

ەركەجان سماعۇلوۆا