قىتايدا ۇستالعان ءۇش امەريكالىق ا ق ش- قا ورالدى
استانا. KAZINFORM - ا ق ش مەملەكەتتىك دەپارتامەنتى ا ق ش- تىڭ ءۇش ازاماتى - مارك سۆيدان، كاي لي جانە دجون ءليۋننىڭ بوساتىلعانىن جانە ۇشەۋى دە ا ق ش- قا ورالعانىن حابارلادى، دەپ جازادى NBC News.
62 جاستاعى ك. لي لونگ- ايلەندتەن (نيۋ- يورك) 2016 -جىلى تۇتقىندالىپ، 2018 -جىلى تىڭشىلىق جاسادى دەگەن ايىپپەن 10 جىلعا باس بوستاندىعىنان ايىرىلعان.
جاسى 40 تان اسقان تەحاس بيزنەسمەنى م. سۆيدان 2012 -جىلدان بەرى قاماۋدا وتىر جانە 2019 -جىلى ەسىرتكىگە قاتىستى ايىپتى دەپ تانىلعان سوڭ شارتتى تۇردە ءولىم جازاسىنا كەسىلدى. بىرىككەن ۇلتتار ۇيىمىنىڭ جۇمىس توبىنىڭ پىكىرىنشە، ايىپتاۋلاردا دالەلدى نەگىز جوق.
گونكونگتا تۇراقتى تۇراتىن 70 تەن اسقان امەريكالىق دج. ليۋن وتكەن جىلى تىڭشىلىق جاساعانى ءۇشىن كىنالى دەپ تانىلىپ، ءومىر بويىنا باس بوستاندىعىنان ايىرىلدى.
ا ق ش ۇكىمەتىنىڭ حابارلاۋىنشا، ولاردى بوساتۋ - تۇتقىنداردى قىتاي مەملەكەتتىك قاۋىپسىزدىك دەپارتامەنتىنىڭ وفيتسەرى سيۋي يانتسزيۋن مەن قىتاي ازاماتى دجي چاوتسيۋنگە ايىرباستاۋ شاراسىنىڭ ءبىر بولىگى بولدى.
س. يانتسزيۋن امەريكالىق اۆياتسيالىق قوزعالتقىش جەتكىزۋشىسى "GE Aviation" كومپانياسىنان تەحنولوگيا ۇرلاۋ ارەكەتىنەن كەيىن قاماۋعا الىندى، ال س. چاوتسيۋن قىتاي ۇكىمەتىنىڭ پايداسىنا تىڭشىلىق جاسادى دەپ ايىپتالدى.
