قىتايدا سالىنىپ جاتقان تۋننەل وپىرىلىپ، 3 ادام حابار-وشارسىز كەتتى

بەيجىڭ. KAZINFORM - قىتايدىڭ شينحاي پروۆينسياسى حايدۋن وكرۋگىندە سالىنىپ جاتقان تۋننەل وپىرىلىپ، 3 ادام حابار-وشارسىز كەتتى.

полиция
فوتو: pixabay.com

شينحۋا اگەنتتىگىنىڭ حابارلاۋىنشا، وقيعا سەيسەنبى كۇنى جەرگىلىكتى ۋاقىتپەن 15:38-دە بولعان.

سالىنىپ جاتقان تۋننەلدىڭ وڭ جاق باعىتى وپىرىلىپ، وقيعا ورىنىندا 3 ادام جوعالىپ كەتكەن.

وقيعادان كەيىن جەرگىلىكتى ءورت ءسوندىرۋ بريگاداسى مەن مەديتسينا قىزمەتكەرلەرى اپات بولعان جەرگە جەدەل بارىپ، بارلاۋ جۇرگىزىپ، قۇتقارۋ جۇمىستارىن ۇيىمداستىردى.

ساعات 21:00-دەگى جاعداي بويىنشا جەرگىلىكتى بيلىك توتەنشە جاعدايلار، ءورت ءسوندىرۋ، قوعامدىق قاۋىپسىزدىك جانە باسقا دا قۇتقارۋ قىزمەتىنىڭ 269 قىزمەتكەرىن ورنالاستىرىپ، ەكسكاۆاتورلار، جۇك تيەگىشتەر جانە جەدەل جاردەم سياقتى 14 بىرلىك تەحنيكا جۇمىلدىرىپ، شامامەن 600 تەكشە مەتر اۋماقتى تازارتتى.

اۆتور
مۇحتار قاليموللا ۇلى

سوڭعى جاڭالىقتار