قىتايدا قارتتار ۇيىندەگى ورتتەن 20 ادام مەرت بولدى
استانا. KAZINFORM - قىتايدىڭ سولتۇستىگىندەگى حەبەي پروۆينتسياسىندا قارتتار ۇيىندەگى ءورت 20 ادامنىڭ ءومىرىن قيدى. بۇل تۋرالى قىتايدىڭ ورتالىق تەلەارناسى حابارلادى، دەپ جازادى Kazinform مەنشىكتى ءتىلشىسى.
حابارلاماعا سايكەس، ءورت 8-ءساۋىر كۇنى جەرگىلىكتى ۋاقىت بويىنشا كەشكى ساعات 21:00 شاماسىندا حەبەي پروۆينتسياسىنىڭ چەندە قالاسى لونحۋا ۋەزىندەگى قارتتار ۇيىندە بولعان.
الدىن الا مالىمەتتە، 9-ءساۋىر كۇنى ساعات 03:00 دەگى جاعداي بويىنشا ءورت سالدارىنان بارلىعى 20 ادام قازا تاپقان.
قازىرگى ۋاقىتتا قارتتار ۇيىندە جاتقان قالعان ەگدە جاستاعى ادامدار ءارى قاراي ەم الۋ ءۇشىن جاقىن ماڭداعى اۋرۋحاناعا اۋىستىرىلدى.
توتەنشە جاعداي ورىن العان جەرگە قۇتقارۋ-قالپىنا كەلتىرۋ جۇمىستارىن جۇرگىزۋ ءۇشىن ساراپشىلار توبى جىبەرىلدى. ءورتتىڭ شىعۋ سەبەبى انىقتالىپ جاتىر.
ايتا كەتەيىك، نەپالدا ورمان ءورتى ءورشىپ تۇر.
