قىتايدا كەمە جاسايتىن كورپوراتسيانىڭ باسشىسى پارا العانى ءۇشىن 13 جىلعا سوتتالدى
قىتايدا China Shipbuilding Corporation كومپانياسىنىڭ بۇرىنعى ءتوراعاسى پارا العانى جانە بيلىگىن اسىرا پايدالانعانى ءۇشىن 13 جىلعا سوتتالدى، دەپ حابارلايدى Kazinform اگەنتتىگى شينحۋا باسىلىمىنا سىلتەمە جاساپ.
قىتاي سوتى سەيسەنبى كۇنى قىتاي كەمە جاساۋ كورپوراتسياسىنىڭ (CSIC) بۇرىنعى ءتوراعاسى حۋ ۆەنميندى پارا العانى جانە بيلىگىن اسىرا پايدالانعانى ءۇشىن 13 جىلعا باس بوستاندىعىنان ايىردى.
شاڭحايدىڭ ءبىرىنشى ارالىق حالىق سوتىنىڭ شەشىمىمەن حۋ ۆەنمينگە 5 ميلليون يۋان ايىپپۇل سالىنىپ، پارا رەتىندە العان بۇكىل اقشاسى تاركىلەنىپ، مەملەكەت قازىناسىنا اۋدارىلدى.
سوت حۋ ۆەنميندى 2001-2020 -جىلدار ارالىعىندا مەملەكەتتىك كاسىپورىنداردا ءارتۇرلى لاۋازىم اتقارىپ جۇرگەندە قىزمەت بابىن اسىرا پايدالانىپ، ءتيىستى ۇيىمدار مەن جەكە تۇلعالارعا قۇرىلىس كەلىسىمشارتىن الۋعا، ىسكەرلىك ىنتىماقتاستىق قۇرۋعا، اكتيۆتەردى يەلەنۋگە، مانساپتا كوتەرىلۋگە جانە دەپوزيت تارتۋعا كومەكتەسكەنى ءۇشىن كىنالى دەپ تاپتى.
ونىڭ اقىسىنا حۋ ۆەنمين ولاردان جالپى سوماسى 59,86 ميلليون يۋاننان (شامامەن 8,43 ميلليون ا ق ش دوللارى) استام اقشا مەن قۇندى زاتتار العان.
سوت ۇكىمىندە ونىڭ 2013-2015-جىلدار ارالىعىندا CSIC ەنشىلەس ۇيىمىن قايتا قۇرىلىمداۋ كەزىندە CSIC ءتوراعاسى رەتىندە وكىلەتتىگىن اسىرا پايدالانىپ، ۇلتتىق مۇددەگە وراسان زور زيان كەلتىرگەنى اتاپ وتىلگەن.
