قىتايدا جول تالعامايتىن كولىك ءبىر توپ وقۋشىنى باسىپ كەتتى

استانا. KAZINFORM - قىتايدىڭ ورتالىعىنداعى حۋنان پروۆينسياسىنىڭ چاڭدە قالاسىنداعى باستاۋىش مەكتەپتىڭ الدىندا ءبىر توپ ادامعا شابۋىل جاسالدى. بەلگىسىز ەر ادام كولىكپەن مەكتەپكە كىرىپ، كوپتەگەن وقۋشىلاردى قاعىپ كەتتى.

شينحۋا اقپارات اگەنتتىگىنىڭ حابارلاۋىنشا، شابۋىل جەرگىلىكتى ۋاقىت بويىنشا 19-قاراشا كۇنى تاڭعى ساعات 8-دە بولعان.

وقيعا بۇگىن جەرگىلىكتى ۋاقىتپەن تاڭەرتەڭ وقۋشىلار مەكتەپكە كىرگەن كەزدە جاسالعان. بەلگىسىز ەر جول تالعامايتىن كولىكپەن مەكتەپتىڭ الدىندا جينالىپ تۇرعان وقۋشىلاردى قاققان.

عالامتوردا جاريالانعان كەيبىر بەينەجازبالاردا قورقىپ قالعان كوپتەگەن بالالاردىڭ مەكتەپكە قاراي جۇگىرگەنى، كەيبىرىنىڭ جەرگە قۇلاپ تۇسكەنى، ال باسقالارىنىڭ كومەك سۇراپ ۇرەيلەنىپ جاتقانى كورسەتىلگەن.

قازىرگى ۋاقىتتا شابۋىل جاساعان ادام ۇستالىپ، پوليتسيا قاماۋعا الىپ، جارالانعاندار اۋرۋحاناعا جەتكىزىلدى. وقيعادان زارداپ شەككەندەر تۋرالى اقپارات ازىرگە جوق.

بۇل قىتايدا سوڭعى ۋاقىتتا بولعان وسىنداي 9-وقيعا. وتكەن دەمالىس كۇندەرى قىتايدىڭ جۋحاي قالاسىنداعى ۋنيۆەرسيتەت قالاشىعىندا پىشاقپەن شابۋىل جاسالىپ، ونىڭ سالدارىنان 8 ادام قازا تاۋىپ، 17 ادام جارالانعانىن حابارلاعان بولاتىنبىز.

اۆتور
مۇقتار مۇرات