قازاقستان قىتاي بانكىنىڭ قاراجاتىنا كەدەن بەكەتتەرىن جاڭعىرتىپ جاتىر

кеден
Фото: Kazinform

استانا. KAZINFORM - قازاقستاننىڭ قىتايمەن، وزبەكستانمەن جانە تۇرىكمەنستانمەن شەكاراسىنداعى وتكىزۋ بەكەتتەرى تولىققاندى جاڭعىرتىلىپ جاتىر.

ق ر قارجى مينيسترلىگى مەملەكەتتىك كىرىستەر كوميتەتى كەدەندىك باقىلاۋ دەپارتامەنتىنىڭ ديرەكتورى ەلدوس ساۋدابايەۆتىڭ ايتۋىنشا، جاڭعىرتۋ جۇمىستارى قىتاي ەكسيم بانكىنىڭ جەڭىلدەتىلگەن ۇكىمەتتىك قارىزى ەسەبىنەن جۇرگىزىلىپ جاتىر.

اتاپ ايتقاندا، «وزبەكستانمەن شەكارادا «قاپلانبەك»، «قازىعۇرت»، «اتامەكەن» جانە «تاجەن»؛ قىتايمەن شەكارادا - «دوستىق- اۆتوموبيل»، «قالجات»، «مايقاپشاعاي» جانە «باقتى»؛ تۇركىمەنستانمەن شەكارادا - «تەمىر بابا» وتكىزۋ بەكەتتەرى جاڭارتىلادى.

وزبەك تاراپىنىڭ كەلىسىمىمەن «قاپلانبەك» جانە «زانگيوتا» اۆتوموبيل وتكىزۋ پۋنكتتەرى رەكونسترۋكسيالاۋعا تولىعىمەن جابىلدى. قالعان وتكىزۋ پۋنكتتەرى جابىلمايدى، ءبىراق اۆتوكولىك پەن جەكە تۇلعالاردىڭ قوزعالىسى شەكتەلەدى.

«ءبىر بەكەتتى سالۋعا ورتا ەسەپپەن 15 ميلليارد تەڭگە بولىنەدى. سونىمەن قاتار، بۇل 8 جولاق بولاتىن جاڭارتىلعان زاماناۋي بەكەت بولاتىنىن ايتقىم كەلەدى. شامامەن قۇرىلىس كەستەسى جىل سوڭىنا دەيىن جوسپارلانعان. بۇگىندە «قازىعۇرت» جانە «اتامەكەن» كەدەن بەكەتتەرى %70-80- عا جاڭارتىلعان»، - دەدى ە. ساۋدابايەۆ.

سونداي-اق، جوبانى ىسكە اسىرۋ شەڭبەرىندە وتكىزۋ قابىلەتى 8 ەسەگە ۇلعايتىلادى جانە ۋاقىتى 2 ساعات 25 مينۋتقا دەيىن قىسقارىپ، سىبايلاس جەمقورلىق تاۋەكەلدەرى ازايادى.

اۆتور

ايجان سەرىكجان قىزى

سوڭعى جاڭالىقتار