قىتايدا COVID-19 ۆيرۋسى ءورشۋى ىقتيمال

Вакцины от COVID-19 спровоцировали появление турборака – фейк
Фото: stopfake.kz.

استانا. KAZINFORM - قىتايدا اي كۇنتىزبەسى بويىنشا جاڭا جىل مەرەكەلەرى كەزىندە COVID-19 ۆيرۋسىنا شالدىعۋ وقيعالارىنىڭ كوبەيۋى بولجانىپ وتىر.

بۇل تۋرالى بريفينگ بارىسىندا ق ح ر اۋرۋلاردى باقىلاۋ جانە الدىن الۋ جونىندەگى مەملەكەتتىك باسقارما وكىلى لەي جىڭلۋڭ مالىمدەدى، دەپ حابارلايدى Kazinform اگەنتتىگىنىڭ ءتىلشىسى.

ونىڭ ايتۋىنشا، الداعى كوكتەم مەرەكەسى كەزىندە ادامداردىڭ كوپ ءجۇرۋىن ەسكەرە وتىرىپ، كوروناۆيرۋسقا شالدىققاندار سانى ارتۋى مۇمكىن دەپ بولجانۋدا.

ونىڭ ايتۋىنشا، 2023-جىلدىڭ قىسى باستالعالى قىتايدا ءبىر مەزگىلدە بىرنەشە پاتوگەن جانە جەدەل رەسپيراتورلىق اۋرۋلار جيىلىگىنىڭ الما-كەزەك اينالىمى بايقالدى.

قازىرگى ۋاقىتتا ەلدە تۇماۋ ەپيدەمياسى ءورشىپ تۇر، ال COVID-19 ۆيرۋسىنا شالدىعۋ كورسەتكىشى تومەن. بۇل رەتتە كوروناۆيرۋستىڭ XBB شتامى باسىم بولىپ وتىر. دەگەنمەن، ەلدە JN.1 شتامىن جۇقتىرۋ جاعدايلارىنىڭ كوبەيۋى بايقالادى.

لەي جىڭلۋڭ اتاپ وتۋىنشە، ەلدىڭ دەنساۋلىق ساقتاۋ ورگاندارى شەكارا بەكەتتەرىندە باقىلاۋدى كۇشەيتىپ، حالىقتىڭ وسال توپتارىن COVID-19-عا قارسى ۆاكتسينا ەگەدى.

ق ح ر كولىك مينيسترلىگىنىڭ مالىمەتىنشە، «چۋنيۋن كەزەڭىندە (قىتاي حالقىنىڭ كوكتەمگى مەرەكەگە دەيىنگى، سونىڭ كەزىندە جانە ودان كەيىنگى ماۋسىمدىق كوشى-قون ۋاقىتى) قىتايدا 9 ميلليارد ساپار جاسالادى.

2024-جىلى «چۋنيۋن» كەزەڭى 26- قاڭتاردا باستالىپ، 5- ناۋرىزدا اياقتالادى.

قىتايدىڭ ءداستۇرلى جاڭا جىلى 10- اقپاندا باستالادى. ال كوكتەم مەرەكەسى 10- اقپاننان 17- اقپانعا دەيىن جالعاسادى.

سوڭعى جاڭالىقتار