قىتايدا CNPC مۇناي-گاز كورپوراتسياسىنىڭ بۇرىنعى توپ-مەنەدجەرى پارا الدى دەپ ايىپتالدى
ق ح ر پروكۋراتۋراسىنىڭ وڭىرلىك ورگانى قىتاي ۇلتتىق مۇناي-گاز كورپوراتسياسى (China National Petroleum Corporation, CNPC) باس ديرەكتورىنىڭ بۇرىنعى ورىنباسارى سيۋي ۆەيجۋندى قاماۋعا الۋ تۋرالى وردەر بەردى.
بۇل تۋرالى لياونيڭ پروۆينتسياسى پروكۋراتۋراسىنىڭ سايتىندا جازىلعان، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
«ق ح ر جوعارى حالىقتىق پروكۋراتۋرا تاپسىرماسىمەن لياونيڭ پروۆينتسياسىنىڭ پروكۋراتۋراسى پارا الدى دەپ ايىپتالعان قىتاي ۇلتتىق مۇناي-گاز كورپوراتسياسى باس ديرەكتورىنىڭ بۇرىنعى ورىنباسارى سيۋي ۆەيجۋندى قاماۋعا الۋ تۋرالى جارلىق شىعاردى»،-دەلىنگەن حابارلامادا.
پروكۋراتۋراعا وتكەنگە دەيىن سيۋي ۆەيجۋن ءىسىن تەرگەۋمەن ق ح ر مەملەكەتتىك باقىلاۋ كوميتەتى اينالىستى.
بۇعان دەيىن سيۋي ۆەيجۋن پارتيا ءتارتىبى مەن زاڭدى قاتاڭ بۇزعانى ءۇشىن قىتاي كوممۋنيستىك پارتياسى (ق ك پ) قاتارىنان شىعارىلعان بولاتىن.
