قىتايدا ءۇش جاڭا مينيستر تاعايىندالدى

  بۇكىل قىتايلىق حالىق وكىلدەرى جينالىسىنىڭ تۇراقتى كوميتەتى قورعانىس، مادەنيەت جانە تۋريزم، ازاماتتىق ىستەر جونىندەگى جاڭا مينيسترلەردى تاعايىنداۋ ءۇشىن داۋىس بەردى. Kazinform اگەنتتىگى بۇل تۋرالى سينحۋا رەسۋرسىنا سىلتەمە جاساپ حابارلايدى.

اگەنتتىكتىڭ حابارلاۋىنشا، 29-جەلتوقسان كۇنى تۇستەن كەيىن بەيجىڭدەگى حالىق ءماجىلىس زالىندا 14-شاقىرىلعان بۇكىل قىتايلىق حالىق وكىلدەرى جينالىسىنىڭ تۇراقتى كوميتەتىنىڭ جەتىنشى وتىرىسى اياقتالدى.

داۋىس بەرۋدەن كەيىن ب ح ءو ج تۇراقتى كوميتەتى دۋن جيۋندى قورعانىس ءمينيسترى، لۋ چجيۋاندى ازاماتتىق ىستەر ءمينيسترى، ال سۋن ەليدى مادەنيەت جانە تۋريزم ءمينيسترى ەتىپ تاعايىنداۋ تۋرالى شەشىم قابىلدادى.