قىتايدا ءبىر ايەلگە عاشىق بولعان 35 جىگىت جىلدار بويى يپوتەكا تولەيتىن بولدى
ولاردىڭ ءبارى ايەلمەن سايتتار ارقىلى تانىسقان. قىتايدا وزىنە عاشىق بولعان 35 ەر ادامعا يپوتەكا راسىمدەتكەن ايەل ۇستالدى، دەپ حابارلايدى Azattyq Rýhy.
جابىرلەنۋشىلەر ونى وزدەرىنىڭ سۇيىكتىسى دەپ ساناپ، قارىم-قاتىناستى زاڭداستىرۋ ءۇشىن پاتەر ساتىپ الۋعا كەلىسكەن. الايدا، قارىز راسىمدەلگەننەن كەيىن ايەل ءىز-ءتۇزسىز جوعالىپ كەتكەن.
Sina.cn باسىلىمىنىڭ حابارلاۋىنشا، ءوزىن ليۋ جيا دەپ تانىستىرعان ايەل ەرلەرمەن سايتتار ارقىلى تانىسىپ وتىرعان. ارادا ماحاببات باستالعاندا ايەل ادام بىرگە تۇراتىن ءۇي كەرەك دەگەن سىلتاۋمەن الگى جىگىتتەردىڭ بارىنە يپوتەكا راسىمدەتىپ، ءۇي الىپ العان. ارتىنشا، ءىزىم-عايىم جوعالعان. ءبىر قىزىعى، ول ەر ادامداردىڭ بارىنە ءوزى دە ۇلەس قوساتىنىن ايتىپ، الايدا، قۇجات راسىمدەر كەزدە ءارتۇرلى سىلتاۋمەن كەتىپ قالعان ەكەن.
بۇل سحەما بويىنشا كەمىندە 35 ەر ادام الدانعان. تەرگەۋ بارىسىندا قۇقىق قورعاۋ ورگاندارى بۇل الاياقتىق سحەماعا قۇرىلىس كومپانيالارى مەن جىلجىمايتىن مۇلىك اگەنتتەرىنىڭ دە قاتىسى بار بولۋى مۇمكىن دەگەن بولجام ايتقان.
