قىتايدا 100 مىڭعا جۋىق ۇشاتىن تاكسي قىزمەتى پايدالانىلماق
استانا. قازاقپارات - 2030 -جىلعا قاراي قىتايدا 100 مىڭعا جۋىق ۇشاتىن ەلەكتروندى اپپاراتتار (eVTOL) وتباسىلىق كولىك نەمەسە اۋە تاكسيى رەتىندە پايدالانىلادى. مۇنداي بولجام قىتايدىڭ ەكونوميكانى زەرتتەۋمەن بايلانىستى اليانس ەسەبىندە ايتىلعان، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
اتالعان قۇجاتتا كورسەتىلگەن مالىمەتتەرگە قاراعاندا، الداعى 2-3 جىلدىڭ ىشىندە قىتايدىڭ ءىرى قالالارىندا eVTOL كولىككە ارنالعان جەلى مەن وعان قىزمەت كورسەتەتىن ورىنداردىڭ قۇرىلىسى اياقتالماق.
ايتا كەتسەك، قىتايدىڭ وڭتۇستىگىندەگى گۋاڭجوۋ قالاسىندا ۇشاتىن اۆتوكولىك زاۋىتى سالىنىپ جاتىر.
زاۋىتتا «قۇرلىقتاعى اۆياتاسىمالداعىش» ۇلگىسىندەگى ۇشاتىن كولىككە ارنالعان مودۋلدەر شىعاراتىن بولادى. زاۋىت جىلىنا 10 مىڭعا دەيىن كولىك شىعارماق.
ۇشاتىن مودەلدىڭ الدىن الا ساتىلىمى 2024 -جىلدىڭ سوڭىندا باستالادى.
