قىتايعا ەت ەكسپورتتاپ، 2,5 ميلليارد دوللار تابىس تابۋعا بولادى - دەپۋتات
پارلامەنت ءماجىلىسىنىڭ دەپۋتاتى ايداربەك قوجانازاروۆ مال شارۋاشىلىعى سالاسىنىڭ ەكسپورتتىق الەۋەتى تۋرالى ايتىپ بەردى، دەپ حابارلايدى Kazinform ءتىلشىسى.
«اۋىل شارۋاشىلىعى سياقتى ءداستۇرلى وندىرىستەر جونىندە ەتتى مال شارۋاشىلىعىندا جۇمىس ىستەي باستاعان كلاستەر مىسالىن كەلتىرۋگە بولادى. بۇل كلاستەردىڭ نەگىزى سالقىنداتىلعان سيىر مەن قوي ەتىنە، ءتىرى مالعا، مۇزداتىلعان ەتكە نارىقتىق سۇرانىس بولدى. 2009-جىلى قىتايعا سيىر مەن قوي ەتىنىڭ يمپورتى 50 مىڭ توننانى، 2018-جىلى - 3 ميلليون توننانى قۇراعان. بۇل رەتتە قازاقستاندا ءوندىرىس مۇمكىندىكتەرى جەر رەسۋرستارىمەن شەكتەلمەيدى، جايىلىمدىق القاپتاردىڭ اۋدانى بويىنشا الەمدە 5-ورىندامىز (180 ميلليون گەكتار)، قازىرگى ۋاقىتتا ونىڭ %30 پايدالانىلادى»، - دەدى ا. قوجانازاروۆ ەلوردادا «وزگەرىس داۋىرىندەگى ەڭبەك نارىعى» اتتى حالىقارالىق كونفەرەنسياسىندا.
ساراپشىلار قىتايعا جەتكىزۋشىلەر قاتارىنا كىرۋ ءۇشىن قازاقستانعا ءىرى قارا مال باسىن 8 ميلليوننان 15 ميلليون باسقا دەيىن ۇلعايتۋ قاجەت دەپ ەسەپتەيدى.
«بۇل 500 مىڭ تونناعا دەيىن سيىر ەتىن ەكسپورتتاۋعا مۇمكىندىك بەرەدى. ءبىر كەلى سيىر ەتىنىڭ باعاسى ا ق ش دوللارىنان بولسا، جىل سايىن جالپى كىرىس 2,5 ميلليارد دوللارعا دەيىن جەتەدى. ەكسپورتتىق كىرىس فەرمەرلەرگە جانە سالانىڭ باسقا قاتىسۋشىلارىنا بىركەلكى بولىنەدى جانە باسقا دا سالالاردى دامىتادى»، - دەدى ايداربەك قوجانازاروۆ.
ايتا كەتەيىك، ەلوردادا «وزگەرىس داۋىرىندەگى ەڭبەك نارىعى: سىن-تەگەۋرىندەر، جاڭارتۋلار جانە پەرسپەكتيۆالار» اتتى حالىقارالىق كونفەرەنسيا وتۋدە. وندا وتاندىق جانە شەتەلدىك ساراپشىلار الەمدىك ەكونوميكانىڭ قازىرگى جاعدايى مەن پەرسپەكتيۆالارىن، جاھاندىق ەڭبەك نارىعىنىڭ دامۋ ۇردىستەرىن، ساپالى جۇمىس ورىندارىن قۇرۋ مۇمكىندىكتەرىن جانە ولارعا بيزنەس-ورتانىڭ اسەرىن، تەحنيكالىق جانە كاسىپتىك ءبىلىم بەرۋ سالاسىنداعى قاجەتتى وزگەرىستەردى، سونداي-اق الەمدە ادامي كاپيتالدى دامىتۋ ماسەلەلەرى تالقىلانادى.
