قىتايعا بيىل 1,1 ميلليون توننا استىق جونەلتىلدى
استانا. KAZINFORM - قىتايعا بيىل 1,1 ميلليون توننا استىق جونەلتىلدى. بۇل تۋرالى كۇزگى دالا جۇمىستارى جونىندەگى جەدەل شتابتىڭ كەزەكتى وتىرىسىندا ايتىلدى.
كەڭەستە فەرمەرلەردىڭ ۇزدىكسىز ەگىن جيناۋىنا كەدەرگى كەلتىرەتىن پروبلەمالارىن شەشۋ ماسەلەسى تالقىلاندى. وتىرىس بارىسىندا استىق كەپتىرۋ اگرەگاتتارىن قولجەتىمدى باعاداعى سۇيىتىلعان گازدىڭ قاجەتتى كولەمىمەن قامتاماسىز ەتۋ ماسەلەسى وڭ شەشىلدى. سۇيىق وتىنمەن كەپتىرۋ اگرەگاتتارى بار التى ءوڭىردىڭ اكىمدىكتەرى قاجەتتىلىك كولەمىن بۇرىنعى 21,5 مىڭ توننادان 19,3 مىڭ تونناعا دەيىن تومەندەتتى. ءقازىردىڭ وزىندە ەنەرگەتيكا مينيسترلىگى تومەندەتىلگەن قۇنى بويىنشا 5,5 مىڭ توننا بولگەن بولسا، قالعان 14 مىڭ توننا كولەمى وندىرۋشىدەن كوممەرتسيالىق باعا بويىنشا ساتىپ الىناتىن بولادى. فەرمەرلەر ءۇشىن وتىن باعاسىن ارزانداتۋ مەملەكەت ەسەبىنەن جۇرگىزىلەدى. قازىرگى ۋاقىتتا بارلىق التى ايماققا كەپتىرگىشتەرگە سۇيىتىلعان گاز جەتكىزىلۋدە. كۇزگى-دالا جۇمىستارىنا ديزەل وتىنىن جونەلتۋ كەستە بويىنشا جۇرگىزىلۋدە. 16-قىركۇيەكتەگى دەرەك بويىنشا، 209,6 مىڭ توننادان استام جونەلدىتلدى، بۇل جوسپاردىڭ %59.
جاڭا ءونىمدى قابىلداۋ ءۇشىن ەليەۆاتورلاردان وتكەن جىلعى استىق داقىلدارىن جونەلتۋ قاجەت - جاپپاي ەگىن جيناۋ باستالعانعا دەيىن ازىق-تۇلىك كورپوراتسياسىنىڭ الدىنا وسى مىندەتتى ورىنداۋ قويىلدى. «ازىق-تۇلىك كورپوراتسياسى» ۇ ك ا ق باسقارما ءتوراعاسى اسىلحان دجۋۆاشيەۆ وسى جىلدىڭ تامىز-قىركۇيەك ايلارىندا 1,5 ميلليون توننا استىق شىعارۋ جوسپارلانعانىن، ونىڭ 736 مىڭ تونناسى تامىز ايىندا جونەلتىلگەنىن حابارلادى. ازىق-تۇلىك كورپوراتسياسىنىڭ مەنشىگىندەگى قورلارى 300 مىڭ توننادان اسادى، جەكە استىق يەلەرىنىڭ كولەمى - 734 مىڭ توننادان اسادى.
ق ت ج 20-قىركۇيەكتەن باستاپ استىقتى جاپپاي جونەلتۋدى كۇتىپ وتىر، بۇل ماقساتقا ەلىمىزدە 12 مىڭعا جۋىق استىق تاسىمالداۋشى دايىن. «ق ت ج» ۇ ك» ا ق باسقارۋشى ديرەكتورى باۋىرجان ورىنباساروۆ اتاپ وتكەندەي، ۆاگونداردىڭ جالپى سانىنان 6 مىڭعا جۋىعى قارا جانە بالتىق تەڭىزدەرىنىڭ پورتتارى باعىتىندا استىقتى ەكسپورتقا تاسىمالداۋدى قامتاماسىز ەتۋگە دايىن.
وسى جىلدىڭ سەگىز ايىندا ورتالىق ازيا ەلدەرىنە استىق ەكسپورتى ارتۋىنىڭ بەلسەندى سەرپىنى بايقالادى - 2,5 ميلليون توننا (1,8 ميلليون توننا - وزبەكستانعا، 600 مىڭ توننا - تاجىكستانعا، 100 مىڭ توننا - تۇرىكمەنستان مەن قىرعىزستانعا).
قىركۇيەك ايىندا 12 كۇننىڭ ىشىندە ورتالىق ازيا ەلدەرىنە 132 مىڭ توننا جونەلتىلدى، بۇل 2023-جىلعى قىركۇيەكتەگى كورسەتكىشتەن 2,5 ەسە كوپ. ايدىڭ سوڭىنا دەيىن استىقتى جونەلتۋ كولەمى شامامەن 250 مىڭ توننانى قۇرايدى، - دەپ اتاپ ءوتتى «ق ت ج» ۇ ك» ا ق باسقارۋشى ديرەكتورى باۋىرجان ورىنباساروۆ.
قىتايعا استىق ەكسپورتى 2024-جىلدىڭ 8 ايىندا 1,1 ميلليون توننانى قۇرادى. بۇرىنعىسىنشا نەگىزگى كولەم كونتەينەرلەرمەن تاسىمالدانادى - 666,4 مىڭ توننا. ءبىراق بيىل استىقتى قاپتارعا سالىپ، جابىق ۆاگوندارمەن تاسىمالداۋ كولەمى ەكى ەسە ءوستى - 229 مىڭ توننا. استىق تاسيتىن كولىكتەردە تاسىمالداۋ كولەمى وتكەن جىلدىڭ دەڭگەيىندە قالدى - 247,5 مىڭ توننا (وتكەن جىلعا %96).
2024-جىلدىڭ 8 ايىندا قىتايعا ۇنتاقتالعان استىق ونىمدەرىن جەتكىزۋ %70 عا ءوستى - 494,1 مىڭ توننا (2023-جىلى 290,3 مىڭ توننا). ۇنتاقتالعان ونىمدەردى تاسىمالداۋ نەگىزىنەن كونتەينەرلەر ارقىلى جۇزەگە اسىرىلادى.
