قىتايدا توقىما فابريكاسىنداعى ورتتەن سەگىز ادام قازا تاپتى
استانا.قازاقپارات - قىتايدىڭ وڭتۇستىگىندەگى توقىما فابريكاسىندا بولعان ورتتەن كەمىندە سەگىز ادام قازا تاۋىپ، تاعى ءبىر ادام جاراقات الدى.
ءورت 20-قىركۇيەك كۇنى كۇندىز گۋاندۋن پروۆينتسياسىنىڭ فوشان قالاسىنداعى شۋندە اۋدانىندا ورنالاسقان توقىما كاسىپورنىنىڭ اۋماعىندا بولعان. پروۆينتسيا بيلىگىنىڭ مالىمەتىنشە، وقيعا ورنىندا ىزدەۋ-قۇتقارۋ جۇمىستارى ءالى دە جالعاسىپ جاتىر. ءورتتىڭ شىعۋ سەبەبى، كاسىپورىننىڭ اتاۋى جانە زارداپ شەككەن ادامنىڭ قازىرگى جاعدايى ازىرگە حابارلانعان جوق.
