قىتايدا سالماعى 10 توننالىق ەلەكتر ۇشاعى ەكيپاجبەن العاش رەت اۋەگە كوتەرىلدى
استانا. KAZINFORM - قىتايدا جەرگىلىكتى ماماندار ازىرلەگەن CE-25A ەلەكترلى جولاۋشىلار ۇشاعى ەكيپاجبەن العاشقى سىناق رەيسىن ءساتتى ورىندادى. بۇل تۋرالى «شينحۋا» حابارلايدى.
سىناق 14-قاراشادا شاندۋن پروۆينتسياسىنداعى بينچجوۋ قالاسىندا ءوتتى. ۇشاق بورتىندا ەكى ۇشقىش پەن سىناق ينجەنەرى بولدى. قىتايدىڭ كوممەرتسيالىق ۇشاقتار كورپوراتسياسىنىڭ مالىمەتىنشە، ۇشۋ شتاتتىق رەجيمدە ءوتىپ، بارلىق كورسەتكىش كۇتىلگەن ناتيجەگە سايكەس بولعان.
CE-25A - كومپانيا ازىرلەگەن العاشقى كوممەرتسيالىق ەلەكتر ۇشاعى. ول 19 جولاۋشىعا ارنالعان جانە نەگىزىنەن قالالار اراسىنداعى باعىتتاردا قاتىناۋعا بەيىمدەلگەن.
ۇشاقتىڭ ەڭ جوعارى ۇشۋ سالماعى - 10 توننا. ول ساعاتىنا 300 شاقىرىمعا دەيىنگى كرەيسەرلىك جىلدامدىقپەن ۇشا الادى. سونداي-اق 2400 مەتر بيىكتىككە كوتەرىلىپ، 400 شاقىرىمعا دەيىنگى قاشىقتىقتى ەڭسەرۋگە قاۋقارلى.
بۇعان دەيىن، 2-اقپاندا، ۇشاق ەكيپاجسىز العاشقى اۆتونومدى ۇشۋىن ورىنداعان. ازىرلەۋشىلەر وسى ۋاقىتقا دەيىن بارلىعى 19 ۇشقىشسىز سىناق رەيسىن وتكىزگەن.
جوبا اككۋمۋلياتور ءوندىرۋشى CATL كومپانياسىمەن، شاڭحاي تسزياو تۋن ۋنيۆەرسيتەتىمەن جانە باسقا دا سەرىكتەستەرمەن بىرلەسىپ جۇزەگە اسىرىلدى.
قىتايدىڭ اۆياتسيا سالاسىنداعى ۋاكىلەتتى ورگاندارى جاڭا مودەلدى سەرتيفيكاتتاۋعا ءوتىنىمدى قابىلدادى.
بۇعان دەيىن قازاقستاندىقتاردىڭ بيىل قىستا مىسىرعا تىكەلەي رەيستەرمەن دەمالىسقا بارا الاتىنى حابارلانعان.
وسىعان دەيىن ەلىمىزدە اۋەجايلار جاڭعىرتىلىپ، ۇشاقتار پاركى جاڭاراتىنى تۋرالى جازدىق.
