قىتايدان الماتىعا تۋريستىك پويىز تۇراقتى قاتىناي باستادى
استانا. KAZINFORM - دۇيسەنبى كۇنى «قىتاي - ورتالىق ازيا» ەكىنشى حالىقارالىق تۋريستىك پويىزى «شيان - الماتى» باعىتى بويىنشا قازاقستانعا جول تارتتى. بۇل اتالعان باعىتتىڭ تۇراقتى قاتىناس رەجيمىنە جاڭا كەزەڭگە وتكەنىن بىلدىرەدى.
پويىزدا «جىبەك جولى مادەنيەتىنىڭ كوشپەلى قوناق بولمەسى» ۇيىمداستىرىلعان. مۇندا حالىقتىق قولونەر جانە ماتەريالدىق ەمەس مادەني مۇرامەن تانىسۋ، ءان مەن بي، ءتىپتى ءداستۇرلى قىتاي مەديتسيناسىن تانىستىرۋدى قامتيتىن ينتەراكتيۆتى مادەني ءىس-شارالار وتكىزىلەدى.
ەسكە سالا كەتەيىك، بىلتىرعى جىلدىڭ مامىر ايىنان باستاپ شيان - الماتى باعىتىندا جولاۋشىلار پويىزى قاتىناي باستاعان بولاتىن.
ال 1-ماۋسىم كۇنى الماتى-2 تەمىرجول ۆوكزالىنا قىتايدان كەلگەن «شيان-الماتى» باعىتىنداعى العاشقى حالىقارالىق تۋريستىك پويىز كەلىپ جەتكەن ەدى.
