قىتايدا 7 بالدىق جەر سىلكىنىسى بولدى
استانا. KAZINFORM - قىتايدىڭ تيبەت اۆتونوميالىق رەگيونىنىڭ ناگچۋ قالاسىنا قاراستى باشين ۋەزىندە 7 بالدىق جەر سىلكىنىسى بولدى، دەپ حابارلايدى Lianhe Zaobao باسىلىمى.
قىتايدىڭ سەيسميكالىق ستانسالار جەلىسىنىڭ رەسمي مالىمەتىنە قاراعاندا، جەرگىلىكتى ۋاقىت بويىنشا 22-قازان كۇنى ساعات 22:33 تە تيبەت اۆتونوميالىق رەگيونىنىڭ ناگچۋ قالاسىنا قاراستى باشين ۋەزىندە (سولتۇستىك ەندىك 32,40 گرادۋس، شىعىس بويلىق 93,79 گرادۋس) ماگنيتۋداسى 7,0 بولاتىن جەر سىلكىنىسى تىركەلدى. جەر سىلكىنىسىنىڭ وشاعى 10 شاقىرىم تەرەڭدىكتە ورنالاسقان.
بۇل - قىتايدا جىل باسىنان بەرى تىركەلگەن ەڭ قۋاتتى ءدۇمپۋ. بۇعان دەيىن قىتايدا ماگنيتۋداسى 7 بالدان اساتىن جەر سىلكىنىسى كەيىنگى رەت 2024 -جىلعى 23 -قاڭتاردا شىڭجاڭنىڭ ءۇشتۇرپان ۋەزىندە تىركەلگەن ەدى.
قىتايدىڭ سەيسمولوگيالىق باسقارماسى ساعات 23:31 دە ەكىنشى دەڭگەيلى توتەنشە جاعداي رەجيمىن ىسكە قوستى.
