قىتاي پوليارلىق ايماقتاردى سپۋتنيك ارقىلى بايلانىستىردى
استانا. KAZINFORM - قىتاي عالىمدارى اركتيكادا ۇلتتىق سپۋتنيكتىك ينتەرنەت جۇيەسىن سىناقتان ءساتتى وتكىزدى.
جوبا اياسىندا سولتۇستىك مۇزدى مۇحيت، انتاركتيدا جانە شينحاي-تيبەت تاۋلى قىراتى اراسىندا سپۋتنيكتىك بايلانىس ورناتىلدى، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى جەرگىلىكتى ب ا ق-قا سىلتەمە جاساپ.
سىناق قىتايدىڭ 16-اركتيكالىق ەكسپەديتسياسى اياسىندا «تسزيدي» پوليارلىق مۇزجارعىش كەمەسىنىڭ بورتىندا ءوتتى. ماماندار جۇمىس بارىسىندا جالپى كولەمى 100 گ ب- تان اساتىن 300 دەن استام فايل جىبەرىپ، 40 تان استام بەينەكونفەرەنتسيا وتكىزدى.
ەكسپەديتسيا بارىسىندا عالىمدار قىتايدا جاسالعان مۇحيتتىق قالقىمالى باقىلاۋ قۇرىلعىلارىن العاش رەت سىناقتان وتكىزدى. ناتيجەسىندە دەرەكتەردى حالىقارالىق سپۋتنيكتىك جۇيەلەرگە سۇيەنبەي جيناۋ جانە جەتكىزۋ مۇمكىندىگى ىسكە اسىرىلدى.
ەكسپەديتسيا قاتىسۋشىلارىنىڭ ايتۋىنشا، جاڭا جەلى شالعاي ايماقتارداعى اقپارات الماسۋ ماسەلەسىن شەشىپ، پوليارلىق وڭىرلەر مەن بيىك تاۋلى اۋماقتاردى تۇراقتى بايلانىسپەن قامتاماسىز ەتۋگە مۇمكىندىك بەرەدى.
بۇعان دەيىن قىتايدا سپۋتنيك ارقىلى حابارلاما الماسۋعا ارنالعان كوپشىلىككە قولجەتىمدى قىزمەت ىسكە قوسىلعانى حابارلاعان ەدىك.
