قىتاي تەمىرجولدارى ءبىر كۇندىك جولاۋشىلار اعىنى بويىنشا رەكورد ورناتتى
استانا. KAZINFORM - قىتايدا ق ح ر قۇرىلعان كۇنگە وراي مەرەكەلىك دەمالىس باستالعان 1-قازاندا تەمىرجول كولىگىمەن ءبىر تاۋلىكتە رەكوردتىق 25,2 ميلليون جولاۋشى تاسىمالداندى. بۇل تۋرالى Kazinform اگەنتتىگىنىڭ بەيجىڭدەگى مەنشىكتى ءتىلشىسى Xinhua اگەنتتىگىنە سىلتەمە جاساپ حابارلايدى.
2-قازاندا جولاۋشىلار تاسىمالىنىڭ كولەمى 20,4 ميلليون ادامعا جەتەدى دەگەن بولجام بار. سۇرانىستى قاناعاتتاندىرۋ ءۇشىن تاسىمالداۋشى قوسىمشا 1462 پويىزدى ىسكە قوسۋدى جوسپارلاپ وتىر.
جولاۋشىلار ەڭ كوپ جونەلتىلگەن قالالار قاتارىندا بەيجىڭ، گۋاڭجوۋ، شاڭحاي، چىڭدۋ، شىنجىن، حاڭجوۋ، ۋحان، شيان، جىڭجوۋ جانە نانجيڭ بار.
جۇكتەمەسى جوعارى باعىتتاردىڭ قاتارىندا «شيان - چىڭدۋ»، «بەيجىڭ - شەنيان»، «بەيجىڭ - جىڭجوۋ» جانە «بەيجىڭ - چيڭداۋ» باعىتتارى اتالدى.
قىتاي تەمىرجولدارى كۇز ورتاسى مەرەكەسى مەن ق ح ر قۇرىلعان كۇنىنە وراي 23-قىركۇيەك پەن 8-قازان ارالىعىنداعى دەمالىس كەزەڭىندە شامامەن 284 ميلليون جولاۋشى تاسىمالدايدى دەپ كۇتىلۋدە.
بۇعان دەيىن قىتايدا تەڭىز استىنداعى ەڭ ۇزىن اۆتوجول تۋننەلىن قازۋ اياقتالعانى تۋرالى جادىق.
