قىتاي سىرتقى ىستەر ءمينيسترى ميۋنحەن قاۋىپسىزدىك كونفەرەنسياسىنا قاتىسادى
قىتاي سىرتقى ىستەر ءمينيسترى ۆان ي 60-ميۋنحەن قاۋىپسىزدىك كونفەرەنتسياسىنا قاتىسادى. بۇل تۋرالى قىتاي سىرتقى ىستەر مينيسترلىگىنىڭ رەسمي وكىلى ماو نين مالىمدەدى.
مالىمدەمەدە قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ق ح ر سىرتقى ىستەر ءمينيسترى ۆان ي 16-21-اقپان ارالىعىندا شەتەلگە ساپارى اياسىندا 60-ميۋنحەن قاۋىپسىزدىك كونفەرەنتسياسىنا قاتىساتىنى ايتىلعان. كونفەرەنسيا بارىسىندا قىتاي سىرتقى ىستەر مينيسترلىگىنىڭ باسشىسى «قىتايدىڭ ارنايى سەسسياسىندا» بايانداما جاساپ، حالىقارالىق كۇن تارتىبىندەگى نەگىزگى ماسەلەلەر بويىنشا بەيجىڭنىڭ ۇستانىمىن ۇسىناتىن بولادى.
ۆان ي يسپانيا مەن فرانتسياعا دا بارادى. فرانسيادا قىتاي سىرتقى ىستەر ءمينيسترى ەكىجاقتى ستراتەگيالىق ديالوگ وتىرىسىن وتكىزەدى.
ميۋنحەن قاۋىپسىزدىك كونفەرەنتسياسى حالىقارالىق قاۋىپسىزدىك سالاسىنداعى وزەكتى ماسەلەلەردى تالقىلاۋعا ارنالعان الەمدىك جەتەكشى فورۋم. بۇل كونفەرەنتسيا 1963-جىلدان بەرى جىل سايىن ميۋنحەندە (گەرمانيا) وتكىزىلىپ كەلەدى.
