قىتاي مەن سولتۇستىك كورەيا اراسىنداعى جاڭا كوپىر 15-قازاندا اشىلادى
استانا. KAZINFORM - بۇل تۋرالى سارسەنبى كۇنى قىتاي سىرتقى ىستەر مينيسترلىگىنىڭ رەسمي وكىلى ماو نين كەزەكتى باسپا ءسوز ءماسليحاتىندا مالىمدەدى، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى.
قىتاي سىرتقى ىستەر مينيسترلىگى رەسمي وكىلىنىڭ ايتۋىنشا، قىتاي مەن سولتۇستىك كورەيانىڭ كەلىسىمى بويىنشا 15-قازاندا يالۋجيان وزەنى ارقىلى وتەتىن جاڭا كوپىر رەسمي تۇردە اشىلادى. وسى كۇنى ەكى تاراپ بىرلەسىپ، كوپىردىڭ اشىلۋ ءراسىمىن وتكىزەدى.
- قىتاي مەن ك ح د ر - ورتاق تاۋلارى مەن وزەندەرى جالعاستىرعان تاتۋ كورشى مەملەكەتتەر. يالۋجيان وزەنى ارقىلى وتەتىن جاڭا كوپىر ەكى ەل اراسىنداعى كولىك قاتىناسىن نىعايتىپ، ءوزارا بايلانىستى دامىتۋعا مۇمكىندىك بەرەتىن ماڭىزدى ينفراقۇرىلىم نىسانى بولماق، - دەدى قىتاي ديپلوماتى.
ونىڭ سوزىنشە، كوپىردىڭ اشىلۋى ساۋدا-ەكونوميكالىق ىنتىماقتاستىقتى دامىتۋعا، ەكى ەل ازاماتتارىنىڭ ساپارلارىن جەڭىلدەتۋگە جانە حالىقتىڭ ءال-اۋقاتىن ارتتىرۋعا ىقپال ەتەدى.
بۇعان دەيىن Air China اراعا التى جىل سالىپ بەيجىڭ-پحەنيان رەيسىن قايتا باستاعانىن حابارلاعان بولاتىنبىز.
