قىتاي روبوتتارى ساحنادا بيلەدى

بەيجىڭ. KAZINFORM - قىتايدىڭ CCTV ارناسى ۇيىمداستىرعان جاڭا جىل كەشىندە روبوتتاردىڭ ۇلكەن توبىنىڭ ءبيى ورىندالدى.

اا
Фото: Видеодан скриншот

CCTV حابارلاۋىنشا، بۇل روبوت ءبي قويىلىمىنىڭ اتى «BOT». قويىلىمعا قاتىسقان روبوتتار «تولىعىمەن قىتايدا جاسالعان» جانە ەلدىڭ تەحنولوگيالىق كومپانيالارى ازىرلەگەن «ەڭ وزىق جاساندى ينتەللەكت باعدارلامالارىمەن» جابدىقتالعان.

ءبي قويىلىمىنا قاتىساتىن روبوتتى قىتايدىڭ «يۋشۋ تەحنولوگيا» كومپانياسى جاساعانى جانە ونىڭ ۇلگىسى «H1» ەكەنى حابارلاندى.

«H1» روبوتىنىڭ بيىكتىگى شامامەن 180 س م جانە سالماعى شامامەن 70 ك گ. بۇل يۋشۋ تەحنولوگياسى 2023-جىلدىڭ تامىزىندا شىعارعان العاشقى تولىق ولشەمدى ادام ءتارىزدى روبوت.

H1 تاماشا قوزعالىستى باسقارۋ مۇمكىندىكتەرىنە يە، ورنىندا بۇرىلۋ جانە توڭكەرىلۋ سياقتى كۇردەلى قوزعالىستاردى ورىنداي الادى. سىرتقى كۇشتەر اسەر ەتكەن كەزدە بۇل روبوت تەز تەپە-تەڭدىكتى قالپىنا كەلتىرىپ، ءجۇرۋدى جالعاستىرا الادى. بۇل ونىڭ جەتىلدىرىلگەن تەڭگەرىم الگوريتمى مەن جوعارى اپپاراتتىق ديزاين دەڭگەيىن كورسەتەدى.

ەسكە سالساق، وسىعان دەيىن قىتايدا العاش رەت ادام مەن روبوت مارافونى وتەتىنىن جازدىق.

اۆتور مۇحتار قاليموللا ۇلى

سوڭعى جاڭالىقتار