قىتاي قورعانىس مينيسترلىگى تايۆانعا ەسكەرتۋ جاسادى: ەرتە مە، كەش پە سەندەردى قايتارىپ الامىز
استانا. KAZINFORM - قىتاي قورعانىس مينيسترلىگىنىڭ اقپارات بيۋروسىنىڭ ديرەكتورى جانە ۇلتتىق قورعانىس مينيسترلىگىنىڭ باسپا ءسوز حاتشىسى ۋ تسيان بەيسەنبى كۇنى (27-اقپان) باسپا ءسوز ءماسليحاتىندا تايۆاننىڭ بيىلعى شىلدەدە اۋقىمدى اسكەري جاتتىعۋلار وتكىزۋ جوسپارىن سىنعا الدى.
تايۆان اقپارات قۇرالدارىنىڭ حابارلاۋىنشا، تايۆان 2025-جىلدىڭ شىلدە ايىندا «حان كۋانگ 41» اتتى اۋقىمدى اسكەري جاتتىعۋ وتكىزۋدى جوسپارلاپ وتىر. وقۋ-جاتتىعۋ 10 كۇنگە سوزىلادى، جاتتىعۋعا 3 مىڭنان استام سارباز قاتىسادى. دەرەككوزدەر جاتتىعۋدىڭ ا ق ش- تان اسكەري كەڭەس العانىنا نازار اۋداردى.
بۇل جاڭالىققا جاۋاپ رەتىندە قىتاي قورعانىس مينيسترلىگىنىڭ باسپا ءسوز حاتشىسى: «تايۆان ماسەلەسى - قىتايدىڭ ىشكى ءىسى، ول سىرتقى ەلدەردىڭ ارالاسۋىنا جول بەرمەيدى» دەپ باسا ايتتى.
قىتاي قورعانىس مينيسترلىگىنىڭ وكىلى ا ق ش- تىڭ تايۆان بيلىگىن ارانداتۋ ارقىلى قىتايدى بۇزۋ جانە شەكتەۋ ارەكەتىنىڭ ناتيجەگە جەتپەيتىنىن جانە ا ق ش- تىڭ اقىرىندا شىعىنعا ۇشىراۋىنا سەبەپ بولاتىنىنا نازار اۋداردى.
ول سونداي-اق تايۆان بيلىگىنە «تاۋەلسىزدىككە» جەتۋ ءۇشىن امەريكا قۇراما شتاتتارىنىڭ كۇشىنە سەنە الامىز دەپ ەلەستەتۋدەن اۋلاق بولۋدى ەسكەرتتى.
مۇنداي كوزقاراس - ءوز كۇش-قۋاتىن اسىرا باعالاۋ جانە تەك ءوزىن-ءوزى جويۋعا اكەلەدى. ەرتە مە، كەش پە سەندەردى قايتارىپ الامىز، - دەدى ول.
قىتاي ا ق ش- تى دەپارتامەنت سايتىنداعى تايۆانعا قاتىستى قاتە مالىمەتتى تۇزەتۋگە شاقىرعان ەدى.
اۆتور مۇقتار مۇرات
