قىتاي قازاقستاننىڭ ب ر ي ك س قۇرامىنا كىرۋىن قولدايدى

BRICS
Photo credit: Akorda

استانا. KAZINFORM - قىتاي قازاقستاننىڭ ب ر ي ك س(برازيليا، رەسەي، ءۇندىستان، قىتاي جانە وڭتۇستىك افريكا رەسپۋبليكاسى) قۇرامىنا كىرۋىن قولدايدى. بۇل تۋرالى مەملەكەت باسشىسى قاسىم-جومارت توقايەۆپەن كەلىسسوزدەردەن كەيىنگى باسپا سوزگە ارنالعان مالىمدەمە بارىسىندا قىتاي حالىق رەسپۋبليكاسىنىڭ ءتوراعاسى شي جينپيڭ ايتتى.

«قىتاي قازاقستاننىڭ بريكس قۇرامىنا كىرۋىن قولدايدى. قازاقستاندى ءرولى ارتىپ كەلە جاتقان، الەمدىك ىستەرگە، جاھاندىق باسقارۋعا لايىقتى ۇلەسە قوسا الاتىن الەمدەگى ورتا دەرجاۆالاردىڭ ءبىرى رەتىندە قولدايدى»، - دەدى قىتاي باسشىسى.

شي جينپيڭ قىتاي مەن قازاقستان شاڭحاي ىنتىماقتاستىق ۇيىمىن قۇرۋ ءىسىنىڭ باسىندا تۇرعانىن اتاپ ءوتتى.

«قازاقستان ءتوراعالىعىنىڭ ش ى ۇ قىزمەتىن دامىتۋداعى جانە بىرەگەي ىنتىماقتاستىقتى ىلگەرىلەتۋدەگى ەلەۋلى ۇلەسىن ەرەكشە اتاپ وتكىم كەلەدى. ەرتەڭگى استانا سامميتى تولىقتاي تابىسپەن وتەتىنى جانە ۇيىمىمىزدىڭ قىزمەتىن جاڭا بەلەسكە كوتەرەرى ءسوزسىز»، - دەدى ق ح ر ءتوراعاسى.

سوڭعى جاڭالىقتار