قىتاي قازاقستانمەن جاساندى ينتەللەكت سالاسىندا ىنتىماقتاستىقتى دامىتپاق
استانا. KAZINFORM - قىتاي ەلىمىزبەن ساۋدا، ينۆەستيتسيالار، ەنەرگەتيكا، ينفراقۇرىلىم، سونداي-اق جاساندى ينتەللەكت، سيفرلىق ەكونوميكا جانە جاڭا ەنەرگيا سالالارى بويىنشا ىنتىماقتاستىقتى دامىتا تۇسۋگە نيەتتى.
بۇل تۋرالى اتالعان ەلدىڭ سىرتقى ىستەر ءمينيسترى ۆان ي ءمالىم ەتتى.
«بۇگىن ءبىز ماعىنالى، پراكتيكالىق جانە ءتيىمدى كەلىسسوز جۇرگىزدىك. ەكى ەل اراسىنداعى ساياسي ءوزارا سەنىم نىعايىپ كەلەدى، ەل قيىندىقتارعا تاپ بولعان كەزدە قولداۋ كورسەتەمىز. سوڭعى ۋاقىتتا قازاقستان ءىرى سۋ تاسقىنىنا تاپ بولدى. باۋىرلاس كورشى جانە ستراتەگيالىق سەرىكتەس رەتىندە قىتاي قالپىنا كەلتىرۋ جۇمىستارىنا ودان ءارى كومەك پەن قولداۋ كورسەتۋگە دايىن»، - دەدى ۆان ي ەلورداعا رەسمي ساپارى بارىسىندا.
قىتاي سىرتقى ىستەر ءمينيسترىنىڭ مالىمدەۋىنشە، ەكىجاقتى ونەركاسىپتىك ىنتىماقتاستىقتىڭ ناتيجەسىندە ىسكە اسىرىلعان 45 جوبانىڭ ىشىندە بۇگىندە 26 جوبا اياقتالدى. ول جوبالار مەتاللۋرگيا، ەنەرگەتيكا، ماشينا جاساۋ سالالارىن قامتيدى.
«ءبىزدىڭ مۇناي-گاز جانە اتوم ەنەرگەتيكاسى سالاسىنداعى ىنتىماقتاستىعىمىز جەدەل قارقىنمەن ىلگەرىلەۋدە. ءبىز ساۋدا، ينۆەستيتسيالار، ەنەرگەتيكا، ينفراقۇرىلىم، سونداي-اق جاساندى ينتەللەكت، سيفرلىق ەكونوميكا جانە جاڭا ەنەرگيا سياقتى ءداستۇرلى سالالاردا ىنتىماقتاستىقتى دامىتۋعا دايىنبىز»، - دەيدى ول.
بۇعان دەيىن ۆان ي قىتايدىڭ ەلىمىزدەگى سۋ تاسقىنىمەن كۇرەسكە كومەكتى جالعاستىراتىنىن مالىمدەگەن ەدى.
