قىتاي قازاقستاندىق ارپانى ەڭ ءىرى يمپورتتاۋشىعا اينالدى

Арпа
Фото: Виктор Федюнин / Kazinform

 استانا. KAZINFORM - بيىلعى ماۋسىمدا قازاقستاندا ارپا ءوندىرىسى ارتادى. بۇل مالىمەتتەردى ا ق ش اۋىل شارۋاشىلىعى مينيسترلىگى اناليتيكالىق ەسەبىندە كەلتىرەدى.

وندىرۋشىلەر ونىمدىلىك بولجامىنىڭ جوعارى بولۋىنا بايلانىستى ءوندىرىس كولەمىن 3,25 ميلليون تونناعا باعالاپ وتىر.

«2023/24 ماركەتينگتىك جىلى وتكەن جىلمەن سالىستىرعاندا ارپا ەگىس القابىندا شامالى وزگەرىس بولادى دەپ كۇتىلۋدە. استىق وندىرۋشىلەر ارپا ءوندىرىسىن 2024/25 ج ج. 3,25 ميلليون توننا دەڭگەيىندە باعالاپ وتىر، بۇل 13 تس/گا جوعارى ونىمدىلىك بولجامىنا بايلانىستى. استىق ساۋداگەرلەرىنەن الىنعان الدىن الا باعالاۋلار بويىنشا ءونىم بولجامى 17 پايىزعا ارتادى»، - دەلىنگەن قۇجاتتا.

كوپتەگەن ارپا ديقانى وتاندىق جەم- ءشوپ ونەركاسىبىنىڭ سۇرانىسىنىڭ جوعارى بولۋىنا بايلانىستى الداعى ماۋسىمدا ارپا ەگۋدى جالعاستىرۋعا نيەتتى ەكەنىن ءبىلدىردى. دەگەنمەن امەريكاندىق ساراپشىلار ارپا ەگۋ جوسپارى نارىقتا قولجەتىمدى تۇقىمنىڭ جەتىسپەۋشىلىگىنە بايلانىستى كۇمان تۋدىرۋى مۇمكىن ەكەنىن اتاپ ءوتتى.

ارپا ەكسپورتى 2024/25 -جىلدارى جوعارى ءوندىرىس پەرسپەكتيۆالارىنا بايلانىستى 1,5 ميلليون تونناعا باعالانادى. بۇل باعا باسەكەگە قابىلەتتى ەكسپورتتىق باعالارعا جانە ترەيدەرلەردىڭ قىتايدان كۇشتى سۇرانىس كۇتۋلەرىنە نەگىزدەلگەن.

2024 -جىلدىڭ 12-ساۋىرىنەن باستاپ ە ا ە و ەلدەرىنەن بيدايدىڭ اۆتوموبيل، سۋ جانە تەمىرجول كولىگىمەن يمپورتىنا تىيىم سالۋ تاعى التى ايعا ۇزارتىلعاندىقتان، بيلىك قازاقستانعا ارپا مەن مايلى داقىلدار يمپورتىنىڭ ارتقانىن حابارلادى. وسى اقپاراتقا سۇيەنە وتىرىپ، 2024/25 -جىلداعى ارپا يمپورتى 0,5 ميلليون تونناعا باعالانادى. سونداي- اق ءوندىرىستىڭ ۇلعايۋى ەكسپورتتىڭ دا ۇلعايۋىنا اكەلدى: 2023/2024 -جىلدىڭ شىلدە- اقپان ايلارى ارالىعىندا ەكسپورت 939 مىڭ توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا %30 عا دەرلىك ارتىق.

ماركەتينگتىك جىل باسىنان بەرى قىتاي قازاقستاندىق ارپانىڭ ەڭ ءىرى يمپورتتاۋشىسى بولدى. قىتاي يمپورتى وتكەن جىلدىڭ سايكەس كەزەڭىمەن سالىستىرعاندا 4 ەسەگە جۋىق ءوسىپ، 723 مىڭ توننانى قۇرادى. بۇل ءوسىم مال ازىعىنا سۇرانىستىڭ جوعارى بولۋىمەن جانە باسقا جەتكىزۋشىلەرمەن سالىستىرعاندا قازاقستاندىق ارپانىڭ قىتاي ءۇشىن سالىستىرمالى تۇردە قولايلى باعاسىمەن تۇسىندىرىلەدى.

وزبەكستان ارپانىڭ ەكىنشى يمپورتتاۋشىسى بولدى (123 مىڭ توننا). بۇل رەتتە يراننىڭ يمپورتى 41 مىڭ تونناعا دەيىن، ياعني، %87 عا تومەندەدى. ساۋداگەرلەر يراننىڭ رەسەيلىك ارپاعا كوشۋىن جالعاستىرىپ جاتقانىن اتاپ ءوتتى.

ابىلايحان جۇماشيەۆ

سوڭعى جاڭالىقتار