قىتاي مۇناي الۋ كانالدارىن ا ق ش-تان كاناداعا اۋىستىردى
استانا. KAZINFORM - قىتايدىڭ مۇناي وڭدەۋ زاۋىتتارى ساۋدا شيەلەنىسى ۋشىعىپ تۇرعان شاقتا ا ق ش مۇنايىن ساتىپ الۋدى شامامەن %90 عا قىسقارتىپ، كانادالىق شيكى مۇنايدى يمپورتتاۋعا كوشە باستادى، دەپ حابارلايدى Financial Post.
اشىلعانىنا ءبىر جىلعا جۋىق بولعان باتىس كانادا قۇبىرىنىڭ كەڭەيۋى قىتايعا جانە باسقا شىعىس ازيا مۇناي يمپورتتاۋشىلارىنا البەرتا مۇناي قۇمدارى ايماعىنداعى اۋقىمدى شيكىزات قورلارىنا قولجەتىمدىلىكتى ارتتىردى.
Vortexa Ltd مالىمەتتەرىنە سايكەس، ۆانكۋۆەر ماڭىنداعى قۇبىر تەرمينالىنان شيكى مۇناي يمپورتى ناۋرىز ايىندا بۇرىن- سوڭدى بولماعان 7,3 ميلليون باررەلگە دەيىن ءوستى.
سونىمەن بىرگە، قىتايدىڭ ا ق ش مۇنايىنىڭ يمپورتى وتكەن جىلدىڭ ماۋسىمىنداعى ەڭ جوعارى كورسەتكىشتەن 29 ميلليون باررەلدەن ايىنا 3 ميلليون باررەلگە دەيىن تومەندەدى.
سولتۇستىك امەريكانىڭ شيكى مۇناي اعىنىنىڭ الەمدەگى ەڭ ءىرى شيكىزات يمپورتشىسى قىتايعا بۇرىلۋى ا ق ش پرەزيدەنتىنىڭ جاھاندىق ساۋدا قاتىناستارىن قايتا قۇرۋ قادامدارىنان تۋىنداعان ەكونوميكالىق جانە ستراتەگيالىق سىلكىنىستىڭ تاعى ءبىر مىسالى بولدى.
بۇعان دەيىن قىتاي ترامپ اكىمشىلىگىن ءوزارا تاريفتەردەن تولىقتاي باس تارتۋعا شاقىردى.
