قىتاي مەن رەسەي باسشىلارى ەل اراسىنداعى قارىم - قاتىناستى تەرەڭدەتۋگە ۋاعدالاستى
استانا. KAZINFORM - قىتاي كوشباسشىسى شي جينپيڭ دونالد ترامپ ا ق ش پرەزيدەنتى قىزمەتىنە كىرىسكەننەن ءبىر كۇن وتكەن سوڭ رەسەي پرەزيدەنتى ۆلاديمير پۋتينمەن بەينەبايلانىستا قىتاي-رەسەي قارىم- قاتىناسىن جوعارى باعالادى.

شينحۋا اقپارات اگەنتتىگىنىڭ سەيسەنبى كۇنى حابارلاۋىنشا، 2025 - جىلعى 21 - قاڭتار كۇنى تۇستەن كەيىن قىتاي ءتوراعاسى شي جينپيڭ بەيجىڭدەگى حالىق ءماجىلىس زالىندا رەسەي پرەزيدەنتى ۆلاديمير پۋتينمەن بەينەكونفەرەنسيا وتكىزدى.
بۇل شي جيينپيڭ مەن پۋتيننىڭ ا ق ش پرەزيدەنتى ترامپ بيلىككە قايتا كەلگەننەن كەيىنگى العاشقى بەينە كەزدەسۋى.
شي جينپيڭ 2024 -جىلى پۋتينمەن ءۇش كەزدەسۋ وتكىزگەنىن جانە ەكى جاقتىڭ كوپتەگەن ماڭىزدى ورتاق پىكىرگە كەلگەنىن اتاپ كورسەتتى.
شي جينپيڭ قىتاي-رەسەي ەكىجاقتى قارىم- قاتىناستارىن جاڭا بيىكتىككە كوتەرۋ ءۇشىن پۋتينمەن بىرگە جۇمىس ىستەۋگە دايىن ەكەنىن مالىمدەدى جانە ەكى ەل اراسىنداعى قارىم- قاتىناستىڭ تۇراقتىلىعىن ءتيىمدى پايدالانۋ ارقىلى «سىرتقى بەلگىسىزدىكتەردى» بىرلەسىپ شەشۋگە ۋادە بەردى.
شي جينپيڭ سونداي-اق قىتاي مەن رەسەيدىڭ ش ى ۇ جانە «ب ر ي ك س» شەڭبەرىندەگى ەلدەر اراسىنداعى ىنتىماقتاستىقتى ىلگەرىلەتۋ ءۇشىن بىرلەسىپ جۇمىس ىستەۋى كەرەكتىگىن ايتتى.
شينحۋا اقپارات اگەنتتىگىنىڭ حابارلاۋىنشا، بەينە كەزدەسۋ بارىسىندا رەسەي پرەزيدەنتى رەسەي مەن قىتاي اراسىنداعى ءوزارا سەنىم مەن ءوزارا قولداۋعا نەگىزدەلگەن ەكىجاقتى قارىم- قاتىناستارعا جوعارى باعا بەردى.
پۋتين رەسەي مەن قىتاي اراسىنداعى قارىم- قاتىناسقا «حالىقارالىق جاعدايداعى وزگەرىستەر ەشقاشان اسەر ەتپەگەنىن» جانە رەسەي تايۆاندى قىتاي تەرريتورياسىنىڭ اجىراماس بولىگى رەتىندە تاباندى تۇردە قولدايتىنىن جانە «تايۆان تاۋەلسىزدىگىنىڭ» كەز كەلگەن تۇرىنە قارسى ەكەنىن اتاپ ءوتتى.
پۋتين بەينەكونفەرەنتسيادا «قولايسىز سىرتقى ورتاعا» قاراماستان رەسەيدىڭ قىتايمەن ساۋداسى وتكەن جىلدىڭ 11 ايىندا 7 پايىزعا ءوسىپ، 220 ميلليارد دوللاردان اسقانىن ايتتى. پۋتين سونداي- اق شي جينپيڭدى 9 - مامىردا ماسكەۋدە وتكەن رەسەيدىڭ جەڭىس كۇنىنە ارنالعان اسكەري پارادقا قاتىسۋعا شاقىردى.
بۇعان دەيىن ق ح ر ءتوراعاسىنىڭ ورىنباسارى قىتايدىڭ ا ق ش- پەن جۇمىس ىستەۋگە دايىن ەكەنىن بىلدىرگەن.
مۇقتار مۇرات