قىتاي مايمىل شەشەگىنە بايلانىستى شەكارالىق باقىلاۋدى كۇشەيتتى

استانا. KAZINFORM - قىتاي بيلىگى ەلدە مايمىل شەشەگى اۋرۋىنىڭ تارالۋىنا جول بەرمەۋ ءۇشىن باقىلاۋ-وتكىزۋ بەكەتتەرىندە سانيتارلىق-ەپيدەميولوگيالىق باقىلاۋ شارالارىن كۇشەيتىپ جاتىر. ءتيىستى قاۋلىنى 15-تامىزدا قىتاي حالىق رەسپۋبليكاسىنىڭ باس كەدەن باسقارماسى (ب ك ب) جاريالادى.

قىتاي دۇنيەجۇزىلىك دەنساۋلىق ساقتاۋ ۇيىمى (د د ۇ) حالىقارالىق الاڭداۋشىلىق تۋدىرعان قوعامدىق دەنساۋلىق ساقتاۋ سالاسىنداعى توتەنشە جاعداي دەپ جاريالاعان شەتەلدەن شەشەك بەلگىلەرىمەن كەلەتىن ادامداردى تەكسەرۋدى باستايتىنىن جاريالادى.

بۇل شارالار مايمىل شەشەگى ىندەتىنىڭ قىتايعا ەنۋىنە جول بەرمەۋگە جانە حالىقتىڭ دەنساۋلىعىن ساقتاۋعا باعىتتالعان.

ق ح ر ب ك ب حابارلاماسىندا اتاپ وتىلگەندەي، مايمىل شەشەگىنىڭ وشاعى بولعان ەلدەردەن (ايماقتاردان) كەلگەن، مايمىل شەشەگىمەن اۋىراتىن ناۋقاستارمەن بايلانىستا بولعان نەمەسە اۋرۋ بەلگىلەرى بار ادامدار بۇل تۋرالى ەلگە كىرگەن كەزدە الدىن الا ەسكەرتۋگە مىندەتتى. كەدەن قىزمەتكەرلەرى بەلگىلەنگەن تارتىپتە مەديتسينالىق شارالار قابىلداپ، سىنامالار الىپ، سىناقتاما جۇرگىزەدى.

مايمىل شەشەگىنىڭ وشاعى بولعان ەلدەردەن (ايماقتاردان) كەلگەن، اۋرۋ جۇقتىرعان نەمەسە جۇقتىرۋى مۇمكىن كولىك قۇرالدارى، كونتەينەرلەر، جۇكتەر جانە زاتتار بەلگىلەنگەن پروتسەدۋرالارعا سايكەس سانيتارلىق وڭدەۋدەن ءوتۋى ءتيىس.

ق ح ر ب ك ب حابارلاماسىنا سايكەس، ونىڭ ەرەجەلەرى جاريالانعان ساتتەن باستاپ كۇشىنە ەنەدى جانە التى اي بويى ارەكەت ەتەدى.

ەسكە سالا كەتسەك، دۇنيەجۇزىلىك دەنساۋلىق ساقتاۋ باسقارماسى افريكادا كەڭ تارالعان، اسىرەسە كونگو رەسپۋبليكاسىندا اسەرىن كۇشەيتكەن مايمىل شەشەك ۆيرۋسىنا (M-pox) بايلانىستى جاھاندىق توتەنشە جاعداي جاريالادى.

شۆەتسيا ۇكىمەتى ەلدە مايمىل شەشەگى (M-pox) اۋرۋى تىركەلگەنىن حابارلادى.

اۆتور
زارينا تۋعانبايەۆا