قىتاي ەلىندە «تەڭگە ءىلۋ» فەدەراتسياسى اشىلادى

ат спорты
فوتو: Kazinform

استانا. KAZINFORM - قاڭتار ايىنىڭ سوڭىندا قىتاي حالىق رەسپۋبليكاسىنىڭ ءۇرىمجى قالاسىندا ق ر ۇلتتىق سپورت قاۋىمداستىعى، «تەڭگە ءىلۋ» فەدەراتسياسى، «ۇلتتىق جانە ات سپورتى تۇرلەرى» ورتالىعى وكىلدەرىنىڭ جانە قىتاي ەلىندەگى ءبىرقاتار بيزنەس وكىلىنىڭ قاتىسۋىمەن كەڭەيتىلگەن جيىن ءوتتى.

ق ر ۇلتتىق سپورتى فەدەراتسياسى ءمالىم ەتكەندەي، باسقوسۋعا نەگىز بولعان تاقىرىپ - قازاقتىڭ ۇلتتىق سپورتى، «تەڭگە ءىلۋ» فەدەراتسياسىن قىتاي ەلىندە اشۋ.

اتالعان جيىندا حالىقارالىق تەڭگە ءىلۋ فەدەراتسياسىنىڭ نەگىزىن قالاۋدىڭ العاشقى العى شارتتارى تالقىلاندى. ءتۇرلى ۇسىنىستار ايتىلىپ، وزەكتى تاقىرىپتار قوزعالدى. قاتىسۋشىلاردىڭ شەشىمىمەن، قىتاي ەلىنىڭ «تەڭگە ءىلۋ» فەدەراتسياسى پرەزيدەنتى بولىپ، بەلگىلى كاسىپكەر جي جيانۋين ۇسىنىلدى.

ءوز كەزەگىندە جيانۋين وزىنە ارتىلعان سەنىمگە العىس بىلدىرە وتىرىپ، تەڭگە ءىلۋ سپورتىن قىتاي ەلىندە كەڭىنەن ناسيحاتتاپ، دامىتۋعا نيەتتى ەكەنىن جەتكىزدى.

جيىن سوڭىندا ەلىمىزدەن بارعان وكىلدەر، قىتاي مەملەكەتىن الداعى قىركۇيەك ايىندا استانا قالاسىندا وتەتىن V دۇنيەجۇزىلىك كوشپەندىلەر ويىندارىنا رەسمي تۇردە شاقىردى.

 

اۆتور
كۇنسۇلتان وتارباي

سوڭعى جاڭالىقتار