قىتاي ەلىمىزدەگى سۋ تاسقىنىمەن كۇرەسكە كومەكتى جالعاستىرادى
استانا. KAZINFORM - قىتاي قازاقستاندا بولعان سۋ تاسقىنىنان كەيىن قايتا قالپىنا كەلتىرۋ جۇمىستارىنا قول ۇشىن سوزۋدى جالعاستىرادى. بۇل تۋرالى قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي ءمالىم ەتتى.
«بيىل قازاقستان ءىرى سۋ تاسقىنىنا تاپ بولدى. باۋىرلاس كورشى جانە ستراتەگيالىق سەرىكتەس رەتىندە قىتاي شىن جۇرەكتەن جاناشىرلىق تانىتادى، ءبىز قالپىنا كەلتىرۋ جۇمىستارىندا قولدان كەلگەنشە كومەك پەن قولداۋ كورسەتۋدى جالعاستىرۋعا دايىنبىز»، - دەدى ۋاڭ ي بۇگىن قازاقستانعا ساپارى بارىسىندا.
ودان ءارى قىتاي ءمينيسترى ەكى ەل اراسىنداعى ساۋدا-ساتتىقتىڭ ارتا تۇسەتىنىن ايتتى.
«ءبىزدىڭ ستاتيستيكا بويىنشا 2023 -جىلى ەكى ەل اراسىنداعى تاۋار اينالىمى 41 ميلليارد دوللاردى قۇرادى. ەكى ەل 40 ميلليارد دوللار تاۋار اينالىمىنا قول جەتكىزۋ بويىنشا مەملەكەت باسشىلارى قويعان جوسپارعا مەرزىمىنەن بۇرىن قول جەتكىزدى»، - دەدى ۋاڭ ي.
بۇعان دەيىن قىتاي سىرتقى ىستەر ءمينيسترى يران پرەزيدەنتىنىڭ ولىمىنە قاتىستى پىكىر بىلدىرگەن ەدى.
