قىتاي كونفۋتسيدىڭ تۋعانىنا 2575 جىل تولۋىن تويلاپ جاتىر
استانا. KAZINFORM - قىتايدىڭ شىعىسىنداعى شاندۋن پروۆينتسياسىندا ەجەلگى قىتاي فيلوسوفى جانە ۇستازى كونفۋتسيدىڭ تۋعان كۇنىنە ارنالعان سالتاناتتى شارالار باستالدى.
ارنايى اشىلۋ سالتاناتىنان كەيىن كونفۋتسي عيباداتحاناسىندا مۋزىكا مەن ءبي قويىلىمدارى مەن كونفۋتسي كلاسسيكاسى وقۋلارى ءوتتى.
كونفۋتسيگە قۇرمەت كورسەتۋ ءراسىمىنىڭ ءوزى قىتايدىڭ ماتەريالدىق ەمەس مادەني مۇرالار تىزىمىنە ەنگىزىلگەن.
كونفۋتسي ءبىزدىڭ ەرامىزعا دەيىنگى 551-جىلى شاندۋڭ پروۆينتسياسىنىڭ سيۋيفۋ قالاسىندا دۇنيەگە كەلگەن. ول جەر قازىر ەجەلگى قىتاي دانالىعىن قۇرمەتتەۋشىلەردىڭ زيارات ەتۋ ورنى. كونفۋتسي ءىلىمى كونفۋتسيشىلدىك دەگەن اتاۋمەن بەلگىلى.
كونفۋتسيشىلدىك سولتۇستىك-شىعىس ازيا مەن وڭتۇستىك-شىعىس ازياداعى قوعامدىق ومىردە جانە اكادەميالىق زەرتتەۋلەردە ماڭىزدى ورىن الادى. كوپتەگەن ەلدەردە كونفۋتسي ينستيتۋتتارى بار، ولاردىڭ سانى بۇگىندە 550 دەن اسادى.
