قىتاي كەرقۇلاندى حەلانشان قاپتالىنا قايتا جەرسىندىرمەك
استانا. قازاقپارات - 1- ناۋرىزدا قىتايدىڭ نينسيا- حۋەي اۆتونوميالىق رەگيونىنداعى حەلانشان ۇلتتىق تابيعي قورىعىنىڭ باسپا ءسوز كەڭسەسى ءۇش ايلىق بەيىمدەۋدەن وتكەن التى كەرقۇلاننىڭ تابيعاتقا جىبەرىلگەنىن حابارلادى.
استانا. قازاقپارات - 1- ناۋرىزدا قىتايدىڭ نيڭشيا- حۋيزۋ اۆتونوميالىق رەگيونىنداعى حەلانشان ۇلتتىق تابيعي قورىعىنىڭ باسپا ءسوز كەڭسەسى ءۇش ايلىق بەيىمدەۋدەن وتكەن التى كەرقۇلاننىڭ تابيعاتقا جىبەرىلگەنىن حابارلادى.
Chinanews اگەنتتىگىنىڭ حابارلاۋىنشا، عىلىمدا پرجيەۆالسكيي جىلقىسى دەگەن اتپەن بەلگىلى كەرقۇلان - قازىرگى كۇندە جابايى جىلقىنىڭ جەر بەتىندە ساقتالعان جالعىز ءتۇرى. سوندىقتان ول ناعىز «رەليكتتىك ءتۇر» ساناتىنا جاتادى جانە ەكوجۇيەدە ايرىقشا ماڭىزدى ورىن الادى.
تاريحي دەرەكتەرگە سايكەس، ەرتەدە تۇركىشە قۇلان تاۋى اتانعان حەلانشان وڭىرىندە دالا تاعىلارى جىرتىلىپ ايرىلعان ەكەن. الايدا ءارتۇرلى سەبەپكە بايلانىستى وڭىردە كەرقۇلاندار تاراپى قالماي جويىلىپ كەتكەن.
2024 -جىلدىڭ قىركۇيەك ايىندا ماماندار توبى حەلانشان تاۋىنا ارنايى ەكسپەديتسيا ۇيىمداستىرىپ، ونىڭ سولتۇستىك قاپتالىن كەرقۇلاندارعا اناعۇرلىم قولايلى دەپ ۇيعارادى. ولاردىڭ پىكىرىنشە، بۇل ءوڭىردىڭ كليماتى مەن تابيعاتى كەرقۇلاندار تىرشىلىك ەتەتىن جوڭعار دالاسىمەن قارايلاس، سوندىقتان جانۋارلار تەز بەيىمدەلىپ، جەرسىنۋگە ءتيىس.
قايتا جەرسىندىرۋ جوسپارىنا سايكەس، حەلانشان قورىعىنا ءۇش ەتاپتا جالپى 18 كەرقۇلان اكەلىنەدى. بۇل شارا وسى ايماقتا جابايى جىلقىنىڭ تۇراقتى پوپۋلياتسياسىن قالىپتاستىرۋعا باعىتتالعان. كەرقۇلاننىڭ العاشقى ءۇيىرى 2024 -جىلدىڭ 3-جەلتوقسانىندا شينجاڭداعى قارامايلى تۇياقتى جانۋارلار قورىعىنان حەلانشان قورىعىنداعى بەيىمدەۋ ورتالىعىنا جەتكىزىلگەن ءارى سوندا ءۇش اي بويى جاڭا ورتاعا ۇيرەتىلگەن.
باسىلىمنىڭ جازۋىنشا، بۇل جولى تابيعاتقا جىبەرىلگەن التى كەرقۇلان - ءبىر ايعىر جانە بەس بيە - ارنايى ىرىكتەۋدەن وتكەن، جاس ءارى كۇيلى.
اۆتور
ەرلان مازان
