قىتاي جىلان جىلىن قارسى الۋعا دايىندالىپ جاتىر

استانا. KAZINFORM - قىتاي تۇرعىندارى 29 - قاڭتارعا قاراعان ءتۇنى جاڭا جىلدى، ياعني «چۋنجيە» (كوكتەم مەرەكەسىن) قارسى الادى. بيىل «چۋنجيە» مەرەكەسى يۋنەسكو- نىڭ ادامزاتتىڭ ماتەريالدىق ەمەس مادەني مۇراسىنىڭ تىزىمىنە ەندى.

Celebrations of Chinese New Year and a welcome to 2025’s Snake
Photo credit: Xinhua

قىتايدا «چۋجيە» باستالاردان ەكى اپتا بۇرىن الەمدەگى حالىقتىڭ ماۋسىمدىق كوشى- قون باستالدى. ول  (كوكتەمگى ساياحات) اي كۇنتىزبەسى بويىنشا ءداستۇرلى قىتايلىق جاڭا جىلعا ارنالعان ۇلتتىق مەرەكەلەرمەن بايلانىستى. بۇل كۇنى جۇزدەگەن ميلليون تۇرعىن ءداستۇر بويىنشا قىتاي ايماقتارىنداعى جاقىن تۋىستارىنا بارادى.

ادەتتە، وسى ۋاقىتتا تۋريستىك جانە ايماقارالىق جولاۋشىلار اعىنى ايتارلىقتاي وسەدى.

Қытай жылан жылын қарсы алуға дайындалып жатыр
Фото: Синьхуа

«كوكتەمگى ساياحات» ماۋسىمى 22 - اقپانعا دەيىن جالعاسادى.

بيىل قىتاي بيلىگى ەل بويىنشا رەكوردتىق 9 ميلليارد ايماقارالىق جولاۋشىلار ساياحاتىن بولجاپ وتىر. جۇرتتىڭ دەنى اۆتوموبيلمەن جۇرەدى (7,2 ميلليارد)، 510 ميلليوننان استام ادام تەمىرجولمەن قاتىنايدى، ال قىتايدىڭ ازاماتتىق اۆياتسياسى 90 ميلليون جولاۋشىعا قىزمەت كورسەتۋگە دايىن.

Қытай жылан жылын қарсы алуға дайындалып жатыр
Фото: Синьхуа

بيىل قىتاي ۇكىمەتى كوكتەم مەرەكەسىندە شەتەلدىك ازاماتتار ءۇشىن ۆيزاسىز ترانزيت ساياساتىن ايتارلىقتاي جەڭىلدەتتى. وسىلايشا ۆيزاسىز ترانزيتكە قۇقىعى بار شەتەلدىكتەردىڭ (54 ەلدىڭ ازاماتتارى ءۇشىن جارامدى) ق ح ر اۋماعىندا بولۋ مەرزىمى باستاپقى مەرزىمنەن 72 جانە 144 ساعاتتان 10 كۇنگە دەيىن ۇزارتىلدى.

جاڭا جىلدىق كانيكۋل كەزەڭىندە ق ح ر شىڭجاڭ- ۇيعىر اۆتونوميالىق اۋدانىنداعى (س ۋ ا ر) تاۋ شاڭعىسى كۋرورتتارىنا بيلەتتەردى برونداۋ سانى %60 عا ارتتى.

Қытай жылан жылын қарсы алуға дайындалып жатыр
Фото: Синьхуа

بيىل قىتايدا جاڭا جىلدىق دەمالىس 28 - قاڭتاردان باستالىپ، 8 كۇنگە سوزىلادى. داستۇرگە سايكەس، اي كۇنتىزبەسى بويىنشا جاڭا جىلدى مەرەكەلەۋگە دايىندىق ءبىر اپتا بۇرىن «كىشى جاڭا جىلدان» باستالادى، ال مەرەكەنىڭ الدىنداعى كۇن سايىنعى ءداستۇر قاتاڭ تۇردە جوسپارلانعان.
ارينە، قازىر ق ح ر ازاماتتارى بۇل ءتارتىپتى ۇستانبايدى. الايدا، «چۋنجيە» مەرەكەسىنە دەيىن، ادەتتە، ءۇيدى تازالاۋ جانە وتكەن جىلدىڭ ساتسىزدىگىمەن بايلانىستى بارلىق «ەسكى دۇنيە- مۇلىك، زاتتاردان قۇتىلۋ ادەتى بار. ەرەسەكتەر بالالارمەن بىرگە تەرەزەلەرگە ىلىنگەن قىزىل قاعاز ۇلگىلەرىن قيىپ الادى، ءۇيدىڭ كىرەبەرىسىن شامدارمەن بەزەندىرەدى، جاڭا جىلدىق تىلەكتەر جازىپ، ءۇيدىڭ ەسىكتەرىنە ءىلىپ قويادى.

Қытай жылан жылын қарсы алуға дайындалып жатыр
Фото: Синьхуа

جاڭا جىل قارساڭىندا بۇكىل وتباسى مەرەكەلىك داستارحانعا جينالادى. قىتايلىقتار ءۇشىن بۇل ماڭىزدى جانە سالتاناتتى ءسات. سولتۇستىك قىتايداعى مەرەكەلىك ۇستەلدىڭ باستى ءدامى - تۇشپارا. 
ق ح ر استاناسىنىڭ تۇرعىندارى مەن قوناقتارى ءۇشىن مەرەكە اپتالىعى كەزىندە ساياباقتارعا جانە باسقا دا اشىق تۋريستىك ورىندارعا كىرۋ تەگىن، سونداي- اق بەيجىڭنىڭ قالا ماڭىنداعى اۋداندارىنا جەدەل جولدارمەن تەگىن جەتۋ مۇمكىندىگى بار.

Қытай жылан жылын қарсы алуға дайындалып жатыр
Фото: Синьхуа

«چۋنجيە» مەرەكەسى كەزىندە ءداستۇرلى ءبيدى (ارىستاندار مەن ايداھارلاردىڭ بيلەرى) تاماشالاۋعا جانە قىتاي تۇرعىندارى اراسىندا «عيباداتحانا جارمەڭكەلەرىنەن» كەڭ اسسورتيمەنتتەگى جەرگىلىكتى تاعامداردىڭ ءدامىن تاتۋ كەڭىنەن تانىمال.

داستۇرگە سايكەس، اي كۇنتىزبەسى بويىنشا جاڭا جىل باستالعاننان كەيىنگى العاشقى ءۇش كۇندە شاش جۋۋعا جانە قيۋعا بولمايدى، ويتكەنى بۇل «بايلىقتىڭ جوعالۋىن» بىلدىرەدى، ءۇيدى دە وسى داستۇرگە سۇيەنىپ جيناپ، تازالاۋ كەرەك.

Қытай жылан жылын қарсы алуға дайындалып жатыр
Фото: Синьхуа

اي كۇنتىزبەسى بويىنشا جاڭا جىل جىلاننىڭ قامقورلىعىمەن وتەتىن 29 - قاڭتارعا قاراعان ءتۇنى كەلەدى. قىتايدا جاڭا جىلدى تويلاۋ ەكى اپتاعا سوزىلادى جانە شامدار مەرەكەسىمەن اياقتالادى («يۋانسياوتسزە»).

اي كۇنتىزبەسى بويىنشا جاڭا جىل - «چۋنجيە» وتكەن جىلدىڭ جەلتوقسانىندا يۋنەسكو- نىڭ ادامزاتتىڭ ماتەريالدىق ەمەس مادەني مۇرالاردىڭ تىزىمىنە ەنگىزىلدى.

 

سوڭعى جاڭالىقتار