قىتاي جاساندى ينتەللەكتىمەن جابدىقتالعان ۇزاق قاشىقتىققا ۇشاتىن اپپارات شىعاردى

استانا. KAZINFORM - قىتايدىڭ جاساندى ينتەللەكتىمەن جابدىقتالعان جاڭا Rainbow-9 (سايحۋن-9) سوڭعى ۇشقىشسىز باسقارىلاتىن اپپاراتى 10 مىڭ شاقىرىمنان استام قاشىقتىقتى باعىندىرا الادى، دەپ حابارلايدى ت ا س س اقپارات اگەنتتىگى.

South China Morning Post (SCMP) گازەتىنىڭ مالىمەتىنشە، مەملەكەتتىك CCTV تەلەارناسى شەنسي پروۆينتسياسىنداعى اەرودرومدا ۇشۋ سىناقتارى كەزىندە Rainbow 9 ءتۇسىرىلىمىن كورسەتتى. اپپارات 20 ساعاتتان استام ۋاقىت ۇشتى.

اسكەري ساراپشى سۋن جۋنپين باسىلىمعا Rainbow 9 اپپاراتىنا جي جۇيەلەرىن ورناتۋ ونىڭ اسكەري تيىمدىلىگىن ايتارلىقتاي ارتتىراتىنىن حابارلادى.

ونىڭ اتاپ وتۋىنشە، Rainbow-9 ءبىر ۋاقىتتا بىرنەشە ۇشقىشسىز اپپاراتتى باسقارا الادى. بۇدان بولەك، قۇرىلعى باسقارىلاتىن جاۋىنگەرلىك ۇشاقتارمەن بىرگە جۇمىس ىستەۋگە قابىلەتتى.

- Rainbow-9 سياقتى ۇشقىشسىز ۇشاتىن اپپاراتتاردىڭ باسقارىلاتىن جويعىشتارمەن قاتار جۇمىس ىستەۋى قالىپتى جاعداي، - دەپ قوسىپ ءوتتى ساراپشى.

اپپارات 0,5 تەن 0,75 م ا ح- قا دەيىنگى جىلدامدىقپەن ۇشا وتىرىپ اۋەدە 40 ساعاتقا دەيىن بولا الادى. بۇل وعان 10 مىڭ شاقىرىمنان استام قاشىقتىقتى ەڭسەرۋگە مۇمكىندىك بەرەدى. SCMP اتاپ وتكەندەي، قىتاي اەروعارىشتىق عىلىمي- تەحنيكالىق كورپوراتسياسى (CASC) ازىرلەگەن Rainbow-9 «توپتاماداعى ەڭ وزىق ۇشقىشسىز باسقارىلاتىن اپپارات». ونىڭ قاناتىنىڭ ۇزىندىعى 24,8 مەتر، بۇل 10 مىڭ مەتردەن جوعارى بيىكتىكتە ۇزاق مەرزىمدى ميسسيالار وتكىزۋ ءۇشىن جەتكىلىكتى كوتەرگىش كۇشىن قامتاماسىز ەتەدى.

ۇكىمەتتە قازاقستان مەن قىتايدىڭ كولىك بايلانىستارىن دامىتۋ جوباسى تالقىلاندى.