قىتاي جانارماي مەن ديزەل وتىنىنىڭ باعاسىن تومەندەتتى

Қытай
فوتو: Pixabay

استانا. KAZINFORM - الەمدىك مۇناي باعاسىنىڭ وزگەرىستەرىنە بايلانىستى بەيسەنبىدەن باستاپ قىتايدا جانارماي مەن ديزەل وتىنىنىڭ بولشەك ساۋدا باعاسى تومەندەيدى. بۇل تۋرالى سارسەنبىدە قىتاي حالىق رەسپۋبليكاسىنىڭ مەملەكەتتىك دامۋ جانە رەفورما كوميتەتى حابارلادى.

«جانارماي مەن ديزەل وتىنىنىڭ قۇنى سايكەسىنشە تونناسىنا 235 يۋانعا (شامامەن 33 دوللار) جانە 225 يۋانعا تومەندەيدى»، - دەپ حابارلايدى شينحۋا اگەنتتىگى مەملەكەتتىك دامۋ جانە رەفورما كوميتەتىنە سىلتەمە جاساپ.

ەلدەگى قولدانىستاعى باعا بەلگىلەۋ مەحانيزمىنە سايكەس مۇناي ونىمدەرىنىڭ باعاسى شيكى مۇنايعا الەمدىك باعانىڭ وزگەرۋىن ەسكەرە وتىرىپ تۇزەتىلەدى.

كوميتەت قىتايدىڭ ءۇش جەتەكشى مۇناي كومپانيالارىنان- China National Petroleum Corporation جانە China Petrochemical Corporation مەن China National Offshore Oil Corporation باسقا دا مۇناي وڭدەۋ كاسىپورىندارىنان نارىقتاعى ۇسىنىستىڭ تۇراقتىلىعىن قامتاماسىز ەتۋ ءۇشىن مۇناي ونىمدەرىن دۇرىس ءوندىرۋ مەن تاسىمالداۋدى ۇيىمداستىرۋدى تالاپ ەتتى.

اۆتور
ەركەجان سماعۇلوۆا

سوڭعى جاڭالىقتار