قىتاي جاھاندىق مۋلتيمودالدى كولىك-لوگيستيكالىق جۇيە قۇرۋعا نيەتتى

بەيجىڭ. KAZINFORM - قىتاي تەڭىز، قۇرلىق جانە اۋە جولدارىن بايلانىستىراتىن جوعارى ساپالى جاھاندىق ينفراقۇرىلىم جەلىسىن سالۋدى جالعاستىرادى.

بۇل تۋرالى ق ح ر 14-بۇكىلقىتايلىق حالىق وكىلدەرى جينالىسىنىڭ 2-سەسسياسى اياسىندا وتكەن باسپا ءسوز ءماسليحاتىندا ق ح ر سىرتقى ىستەر ءمينيسترى ۆان ي مالىمدەدى.

«ءبىز تەڭىز، قۇرلىق جانە اۋە جولدارىن بايلانىستىراتىن جوعارى ساپالى، تۇراقتى جانە ومىرشەڭ جاھاندىق ينفراقۇرىلىم جەلىسىن سالۋدى جالعاستىرامىز»، - دەدى ۆان ي.

ونىڭ ايتۋىنشا، قىتاي «ءبىر بەلدەۋ، ءبىر جول» باستاماسىن ءارتۇرلى تاراپتاردىڭ دامۋ ستراتەگيالارىمەن بىرىكتىرۋگە، سونداي-اق اشىق الەمدىك ەكونوميكانى بەلسەندى تۇردە قۇرۋعا نيەتتى.

«ءبىر بەلدەۋ، ءبىر جول» باستاماسى بارشاعا ارنالعان مۇمكىندىككە اينالۋى ءۇشىن ءبىز اشىق جاھاندىق ەكونوميكانى بەلسەندى تۇردە قۇراتىن بولامىز»، - دەدى ول.

سونداي-اق ول قىتايدىڭ «بەلدەۋ جانە جول» اياسىنداعى ساپالى قۇرىلىس الەمنىڭ بارلىق ەلدەرىنىڭ بىرلەسكەن دامۋىنىڭ درايۆەرى بولعانىنا جانە جاھاندىق جاڭعىرتۋ ۇدەرىسىنە قۋاتتى سەرپىن بەرگەنىنە مۇددەلى ەكەنىن اتاپ ءوتتى.

«بەلدەۋ جانە جول» باستاماسى قىتاي 2013-جىلى ۇسىنعان ەكى جوبانى بىرىكتىرەدى - «جىبەك جولى ەكونوميكالىق بەلدەۋى» جانە «21-عاسىرداعى تەڭىز جىبەك جولى».

بەيجىڭدە بۇكىلقىتايلىق حالىق وكىلدەرى جينالىسىنىڭ جىل سايىنعى سەسسياسى ءوتىپ جاتىر. ول 11- ناۋرىزعا دەيىن جالعاسادى.