قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي قازاقستانعا رەسمي ساپارمەن كەلدى
استانا. KAZINFORM - ەكى ەل اراسىنداعى تاۋار اينالىمى 30 پايىزعا ارتىپ رەكوردتىق كورسەتكىشكە جەتكەن.
بۇگىن قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي قازاقستانعا رەسمي ساپارمەن كەلدى.
ساپار اياسىندا قازاقستان رەسپۋبليكاسى پرەمەر- ءمينيسترىنىڭ ورىنباسارى -سىرتقى ىستەر ءمينيسترى مۇرات نۇرتىلەۋمەن شاعىن جانە كەڭەيتىلگەن قۇرامداعى كەلىسسوزدەر ءجۇرىپ جاتىر.
«قازىر حالىقارالىق احۋالدىڭ كۇردەلىلىگى مەن سىن- تەگەۋرىندەرىنە قاراماستان، ءبىزدىڭ ەلدەرىمىزدىڭ حالىقارالىق جانە وڭىرلىك كۇن تارتىبىندەگى كوپتەگەن ماسەلە بويىنشا ۇستانىمدارى ۇقساس. بۇعان ب ۇ ۇ، ش ى ۇ، ا ءو س ش ك جانە باسقا دا الاڭدار اياسىنداعى تىعىز ءوزارا ءىس- قيمىل مەن قولداۋ دالەل. جاھاندىق دامۋ، قاۋىپسىزدىك، وركەنيەت باستامالارىن جوعارى باعالايمىز جانە قولدايمىز. ولار جاھاندىق قاۋىپسىزدىكتىڭ زاماناۋي نەگىزىن نىعايتۋعا، تۇراقتى دامۋ ماقساتتارىنا قول جەتكىزۋدى جەدەلدەتۋگە وڭ ۇلەس قوساتىنىنا سەنىمدىمىن»، - دەدى مۇرات نۇرتىلەۋوۆ قىتايلىق ارىپتەسىن قارسى الا وتىرىپ.
ءمينيستردىڭ ايتۋىنشا، قىتاي قازاقستاننىڭ ەڭ ءىرى ساۋدا جانە ەكونوميكالىق سەرىكتەسى.
«وتكەن جىلدىڭ قورىتىندىسى بويىنشا ەكىجاقتى تاۋار اينالىمى %30 عا ءوسىپ، رەكوردتىق كورسەتكىشكە 41 ميلليارد دوللارعا جەتتى. سونداي- اق، بەيجىڭ قازاقستاننىڭ ۇزدىك 5 ينۆەستورىنىڭ قاتارىنا تۇراقتى كىرەتىنىن اتاپ وتكىم كەلەدى. بۇگىندە ءبىز مۇناي- گاز، مەتاللۋرگيا، حيميا، اگروونەركاسىپ جانە وزگە دە سالالاردا 7 ميلليارد دوللاردان استام سوماعا ونداعان ءىرى وڭىرلىك جوبالاردى ۇيىمداستىردىق. قازىر ءبىرقاتار سەكتوردا 50 گە جۋىق بىرلەسكەن ينۆەستيتسيالىق جوبا ىسكە اسىپ جاتىر»، - دەيدى ول.
قازىر ۆەدومستۆو باسشىلارى ەكىجاقتى قۇجاتتارعا قول قويىلىپ جاتىر.
