قىتاي حالقى كۇز ورتاسى مەرەكەسىن اتاپ وتۋدە

قىتاي تۇرعىندارى جۇما كۇنى ەلدەگى ەڭ ماڭىزدى وتباسىلىق داستۇرلەردىڭ ءبىرى - كۇز ورتاسى مەرەكەسىن (چجۋنتسيۋتسزە) تويلايدى.

Фото: ҚазАқпарат
Фото: из открытых источников

ول اي كۇنتىزبەسى بويىنشا سەگىزىنشى ايدىڭ 15- كۇنىندە اتالىپ وتەدى. بيىل مەرەكە 29- قىركۇيەككە تۇسپا-تۇس كەلدى، دەپ حابارلايدى قازاقپارات ءتىلشىسى.

چجۋنتسيۋتسزە - نەگىزگى اۋىلشارۋاشىلىق جۇمىستارى اياقتالىپ، كۇزگى ەگىن جيناۋ ناۋقانى قورىتىندىلاناتىن ءداستۇرلى مەرەكە.

بۇل كۇنى تولعان اي - جىلدىڭ ەڭ جارىق جانە ەڭ جارقىن ايى سانالادى، ول سونداي-اق كۇزدىڭ ورتاسى فەستيۆالىنىڭ سيمۆولى. تولعان اي وتباسىلىق بايلىقتى، جاقسى تۇرمىستى جانە وتباسىمەن قايتا قوسىلۋدى بىلدىرەدى. بۇل كۇنى ادامدار ءارتۇرلى سالماسى بار دوڭگەلەك ءپىشىندى زىمبىر پەچەنە «يۋەبين» («اي پىراندىكتەرى») ازىرلەپ، ءبىر-بىرىنە سىيلايدى. ءداستۇرلى تاعامعا اينالعان بۇل تاتتىلەر بارلىق جەردە ساتىلادى.

قىتايدا كۇزدىڭ ورتاسى فەستيۆالى مەن قىتاي حالىق رەسپۋبليكاسىنىڭ قۇرىلعان كۇنىنە (1- قازان) وراي دەمالىس كۇندەرىنە بايلانىستى تۋريستەر اعىنىنىڭ ارتۋى بولجانىپ وتىر. كوشى-قون ىستەرى جونىندەگى مەملەكەتتىك باسقارمانىڭ مالىمەتىنشە، ەلدە ورتاشا ەسەپپەن كۇن سايىنعى 1,58 ميلليون جولاۋشى تاسىمالدانادى. بۇل - جىلداعى كورسەتكىشتەن ءۇش ەسە كوپ.

چجۋنتسيۋتسزە جانە ق ح ر قۇرىلعان كۇنىنە وراي مەرەكەلىك «التىن» اپتا 29- قىركۇيەك پەن 6- قازان ارالىعىندا جالعاسادى.

سوڭعى جاڭالىقتار