قىتاي حالقى 1 ميللياردقا تومەندەيدى - ساراپشىلار

استانا. KAZINFORM - بۇگىندە ءۇندىستاندا 1,442 ميلليارد ادام تۇرادى. بۇل - الەمدەگى ەڭ كوپ ادام قونىستانعان ەل. 2011 -جىلى جۇرگىزىلگەن حالىق ساناعى بويىنشا ءۇندىستاندا 1,21 ميلليارد ادام تىركەلگەن بولاتىن.

ەكىنشى ورىنعا 1,425 ميلليارد حالقى بار قىتاي جايعاسقان. ت ا س س اگەنتتىگىنىڭ مالىمەتىنشە، بۇل اقپاراتتار بىرىككەن ۇلتتار ۇيىمى حالىقتى ورنالاستىرۋ قورىنىڭ بايانداماسىندا كورسەتىلگەن.

اتالعان قور ءۇندىستان حالقى سانىنىڭ ءوسۋىن ەلدەگى الەۋمەتتىك- ەكونوميكالىق جاعدايدىڭ جاقسارۋى جانە انا ءولىمى دەڭگەيىنىڭ تومەندەۋىمەن بايلانىستىرىپ وتىر.

قازىرگى ۋاقىتتا ءۇندىستان حالقىنىڭ %26 - ى 10-24 جاس ارالىعىنداعى جاستار بولىپ تابىلادى.

بىرىككەن ۇلتتار ۇيىمى ساراپشىلارىنىڭ باعالاۋى بويىنشا، قىتاي حالقىنىڭ سانى 2022 -جىلى 1,426 ميللياردتى قۇراپ، ازايا باستاعان.

ساراپشىلار قىتاي حالقى وسى عاسىردىڭ سوڭىنا دەيىن 1 ميللياردتان تومەن ءتۇسۋى مۇمكىن دەپ بولجاپ وتىر. كەرىسىنشە، ءۇندىستان حالقىنىڭ سانى الداعى بىرنەشە ونجىلدىقتا وسە بەرەدى دەپ كۇتىلۋدە.

اۆتور

ورالحان قوجانوۆ