14:05, 28 - اقپان 2025 | GMT +5
قىتاي شەتەل كومپانيالارىنا تەلەكوممۋنيكاتسيالىق قىزمەتتەرگە سىناق ەسەبىندە قول جەتكىزۋگە رۇقسات بەردى
استانا. KAZINFORM - شەتەلدىك كومپانيالار قوسىلعان قۇنى بار تەلەكوممۋنيكاتسيا قىزمەتتەرى سالاسىندا پيلوتتىق وپەراتسيالاردى جۇرگىزۋگە رۇقسات الدى، دەپ حابارلايدى شينحۋا اقپارات اگەنتتىگى.
ق ح ر ونەركاسىپ جانە اقپاراتتاندىرۋ مينيسترلىگى بەيجىڭ، شاڭحاي، شىنجەندە جانە حاينان پروۆينتسياسىندا ورنالاسقان شەتەلدىك ينۆەستيتسيالانعان 13 كاسىپورىننىڭ ءبىرىنشى توبىنا رۇقساتناما بەردى.
ۆەدومستۆودا اتاپ وتىلگەندەي، بۇل كومپانيالار الاتىن رۇقساتتارعا سايكەس ينتەرنەتكە قوسىلۋ جانە اقپاراتتىق قىزمەتتەر سياقتى قوسىمشا قۇندى تەلەكوممۋنيكاتسيالىق قىزمەتپەن ەركىن اينالىسا الادى.
