قىتاي شاحتاسىندا اپات بولىپ، جەتى ادام قازا تاپتى
استانا. KAZINFORM - قىتايدىڭ سىچۋان پروۆينسياسىنداعى (وڭتۇستىك- باتىس قىتاي) كومىر شاحتاسىندا بولعان اپات سالدارىنان جەتى كەنشى قازا تاپتى. بۇل تۋرالى Xinhua اقپارات اگەنتتىگى حابارلايدى.
توتەنشە وقيعا سارسەنبى كۇنى سىچۋان پروۆينسياسىنىڭ لەشان قالاسىندا كەنشىلەر كومىر شاحتاسىنداعى جەلدەتۋ شاحتاسىن تۇمشالاۋ جۇمىستارىن جۇرگىزىپ جاتقان كەزدە بولدى. اپات سالدارىنان سەگىز ادام قۇرساۋدا قالدى.
ىزدەستىرۋ-قۇتقارۋ وپەراتسياسى بارىسىندا جەتى ادامنىڭ قازا تاپقانى راستالدى، ءبىر ادام ءىز-ءتۇزسىز جوعالعان. ىزدەستىرۋ-قۇتقارۋ جۇمىستارى جالعاسىپ جاتىر. جەرگىلىكتى بيلىك اپاتتىڭ سەبەبىن انىقتاپ، تەرگەۋ امالدارى جۇرگىزىلىپ جاتىر.
حابارلانعانداي، قىتايدا سۋ تاسقىنىمەن كۇرەس جالعاسىپ جاتىر. شىلدە ايىنىڭ ورتاسىنان تامىز ايىنىڭ ورتاسىنا دەيىن سۋ تاسقىنىنا قارسى ماڭىزدى كەزەڭ اياقتالعانىنا قاراماستان، قۇرلىقتىق قىتاي ءىرى سۋ تاسقىنى ماۋسىمىن باستان كەشتى. جاۋىن- شاشىن مەن تايفۋن اسەرىنەن قايتالاما اپاتتاردىڭ ەلەۋلى قاۋپى ساقتالىپ وتىر. بۇل تۋرالى قىتاي حالىق رەسپۋبليكاسى سۋ رەسۋرستارى ءمينيسترىنىڭ ورىنباسارى ۋاڭ باوەن مالىمدەدى.
اۆتور
ەركەجان سماعۇلوۆا
