قىتاي ءتىلى قازاق مەكتەپتەرىندە وقۋ باعدارلاماسىنا ەنگىزىلە مە؟
ساراپشىلاردىڭ پىكىرىنشە، بۇل رەسەي نارىعىندا ءبىرقاتار ازيالىق قوسىمشالاردىڭ پايدا بولۋىمەن، سونداي-اق ەلەكترونيكا ءوندىرىسى ءۇشىن قىتايلىق جابدىققا كوشۋمەن بايلانىستى. IT كومپانيالار كورەي ءتىلىن بىلەتىندەرگە دە قىزىعۋشىلىق تانىتىپ وتىر.
ماسكەۋدە قىتاي ءتىلى اعىلشىن، فرانسۋز جانە نەمىس تىلدەرىمەن قاتار ەكىنشى شەت ءتىلى رەتىندە وقىتىلاتىن مەكتەپتەردىڭ سانى ايتارلىقتاي ءوستى، دەپ جازادى inbusiness.kz.
بىرنەشە جىل بۇرىن رەسەي استاناسىندا ولاردىڭ سانى 40-قا جۋىق بولسا، بۇگىندە 98-گە جەتتى. قىتاي ءتىلى 2019 -جىلى ءبىرىڭعاي مەملەكەتتىك ەمتيحان باعدارلاماسىنا ەنگىزىلدى. بۇل ونىڭ ستۋدەنتتەر اراسىندا تانىمالدىعىنىڭ ارتۋىنا ىقپال ەتتى. بۇل كەزدەيسوق ەمەس، IT- نارىقتا قىتاي ءتىلىن بىلەتىن ماماندارعا سۇرانىس ارتىپ كەلەدى: اعىمداعى جىلدىڭ جەتى ايىندا رەسەيلىك رەكرۋتينگتىك سايتتارداعى وسى كريتەريى بار بوس جۇمىس ورىندارىنىڭ سانى %65 عا دەيىن ءوستى.
ساراپشىلاردىڭ پىكىرىنشە، بۇل رەسەي نارىعىندا ءبىرقاتار ازيالىق قوسىمشالاردىڭ پايدا بولۋىمەن، سونداي-اق ەلەكترونيكا ءوندىرىسى ءۇشىن قىتايلىق جابدىققا كوشۋمەن بايلانىستى. IT كومپانيالار كورەي ءتىلىن بىلەتىندەرگە دە قىزىعۋشىلىق تانىتىپ وتىر.
قىتاي ءتىلى قازاقستاندا دا وقىتىلادى، ءبىراق ازىرگە تەك ەلىمىزدىڭ جەتەكشى ۋنيۆەرسيتەتتەرىندە عانا وقىتىلادى. وسى جىلدىڭ شىلدە ايىندا قازاقستان پرەزيدەنتى مەن قىتاي حالىق رەسپۋبليكاسىنىڭ ءتوراعاسى شي جينپيڭ ش ى ۇ اياسىندا بىرلەسكەن مالىمدەمەگە قول قويدى. مۇندا قىتاي ءتىلىن ۇيرەنۋگە دە قاتىستى ءسوز قوزعالعان.
