قىتاي ءتوراعاسىنىڭ ورىنباسارى ا ق ش- تا يلون ماسكپەن كەزدەستى
بەيجىڭ. قازاقپارات - Tesla كومپانياسى ا ق ش- قىتاي ەكونوميكالىق جانە ساۋدا ىنتىماقتاستىعىن دامىتۋدا وڭ ءرول اتقارۋعا دايىن، دەپ حابارلايدى Kazinform نىڭ مەنشىكتى ءتىلشىسى.

بۇل تۋرالى ۆاشينگتوندا (ا ق ش) ق ح ر ءتوراعاسىنىڭ ورىنباسارى حان چجەن مەن Tesla باس ديرەكتورى يلون ماسكتىڭ كەزدەسۋىنەن كەيىن قىتاي س ءى م مالىمدەمەسىندە ايتىلدى.
— Tesla قىتايمەن ينۆەستيتسيا مەن ىنتىماقتاستىقتى تەرەڭدەتۋگە، سونداي- اق ا ق ش- قىتاي ەكونوميكالىق جانە ساۋدا ىنتىماقتاستىعىن دامىتۋدا وڭ ءرول اتقارۋعا دايىن، - دەپ كەلتىردى قىتاي سىرتقى ىستەر مينيسترلىگى يلون ماسكتىڭ ءسوزىن.
ەسكە سالا كەتسەك، 2019 -جىلى شاڭحايدا Tesla زاۋىتى اشىلعان بولاتىن. 2025 - جىلدىڭ ءبىرىنشى توقسانىندا قىتايلىق مەگاپوليستەگى امەريكالىق Tesla ءوندىرۋشىسىنىڭ گيگافابريكاسىندا Megapack ەنەرگيا ساقتاۋ باتارەيالارىنىڭ جاپپاي ءوندىرىسى باستالادى دەپ كۇتىلىپ وتىر.
قىتاي سىرتقى ىستەر مينيسترلىگى تاراتقان مالىمدەمەدە اتاپ وتىلگەندەي، ق ح ر ءتوراعاسىنىڭ ورىنباسارى حان جىڭ 19- قاڭتاردا ۆاشينگتوندا ا ق ش- تىڭ ىسكەر توپتارىنىڭ، سونىڭ ىشىندە اقش- قىتاي ىسكەرلىك كەڭەسى جانە اقش ساۋدا پالاتاسىنىڭ وكىلدەرىمەن دە كەزدەسۋلەر وتكىزگەن.
ساياساتكەر امەريكالىق كومپانيالار قىتايعا ينۆەستيتسيا سالۋدى جالعاستىرىپ، ەكى تاراپ اراسىنداعى كوپىر ءرولىن بەلسەندى تۇردە اتقارىپ، قىتاي مەن ا ق ش قارىم- قاتىناسىنىڭ تۇراقتى، سالاۋاتتى دامۋىنا كوبىرەك ۇلەس قوساتىنىنا سەنىم ءبىلدىردى.