قىتاي بيلىگى TikTok-تى يلون ماسككە ساتۋى مۇمكىن
استانا. KAZINFORM - قىتاي ۇكىمەتى ا ق ش- تا قوسىمشاعا تىيىم سالىنباۋى ءۇشىن TikTok-تىڭ امەريكالىق بولىمشەسىن ميللياردەر يلون ماسككە ساتۋ جوسپارىن قاراستىرىپ جاتىر، دەپ حابارلايدى CNBC.

Bloomberg- ءتىڭ مالىمەتىنشە، جوسپارعا سايكەس يلون ماسك X سياقتى TikTok-تىڭ دا ا ق ش- تاعى بيزنەسىن باقىلايدى. الايدا، قىتاي ۇكىمەتىنىڭ شەنەۋنىكتەرى مۇنىڭ جۇزەگە اساتىنىن ءالى شەشكەن جوق. ويتكەنى بۇل شەشىم — قىتاي قاراستىرىپ جاتقان بىرنەشە نۇسقانىڭ ءبىرى.
TikTok-تىڭ زاڭگەرلىك توبى بۇل زاڭ ميلليونداعان امەريكالىق قولدانۋشىلاردىڭ ءسوز بوستاندىعى قۇقىعىن بۇزادى دەپ سەندىرسە، ا ق ش ۇكىمەتى TikTok-تىڭ قىتايلىق ByteDance كومپانياسىنا تيەسىلى بولۋى ۇلتتىق قاۋىپسىزدىككە قاتەر توندىرەدى دەپ مالىمدەدى. جوعارعى سوت امەريكا ۇكىمەتىنىڭ جاعىندا بولدى دەپ بولجانىپ وتىر.
بۇدان بۇرىن حابارلانعانداي، ترامپتىڭ باس ادۆوكاتتىققا ۇسىنعان كانديداتى دجون ساۋەر جاڭا پرەزيدەنت قىزمەتىنە كىرىسكەننەن كەيىن شەشىم قابىلداۋى ءۇشىن سوتتان TikTok ءىسىن توقتاتا تۇرۋدى سۇراعان.
دونالد ترامپتىڭ TikTok-قا قاتىستى ريتوريكاسى 2024-جىلدىڭ اقپانىندا ميللياردەر دجەفف ياسسپەن كەزدەسكەننەن كەيىن وزگەرە باستادى، رەسپۋبليكاشىل مەگادونور جانە ByteDance- ءتىڭ ءىرى ينۆەستورى، سونىمەن بىرگە ترامپتىڭ Truth Social-تاعى ۇلەسى بار.