قىتاي باسشىسى: جاڭا قازاقستاننىڭ جەتىستىكتەرىنە تامسانۋعا عانا كەلە جاتقان جوقپىن
استانا. KAZINFORM - قىتاي حالىق رەسپۋبليكاسىنىڭ ءتوراعاسى شي جينپيڭ الداعى مەملەكەتتىك ساپار الدىندا قازاقستاننىڭ بۇقارالىق اقپارات قۇرالدارىنا ارناپ جازعان اۆتورلىق ماقالاسىندا بۇل كەلۋىنىڭ ءمانىن بىلايشا تۇسىندىرەدى.
ماقالانىڭ باسىندا اۆتور قازاقستاننىڭ وزىنە ءتان، دەربەس مادەنيەتى مەن وركەنيەتى بار ەل ەكەنىنە توقتالادى.
«ءدال وسىنداي تاڭعاجايىپ ۋاقىتتا پرەزيدەنت قاسىم-جومارت توقايەۆتىڭ شاقىرۋىمەن قازاقستان رەسپۋبليكاسىنا مەملەكەتتىك ساپارمەن بارىپ، شاڭحاي ىنتىماقتاستىق ۇيىمىنىڭ سامميتىنە قاتىسامىن. مەن سىزدەردىڭ كورىكتى ەلدەرىڭىزگە ق ح ر ءتوراعاسى رەتىندە بەسىنشى رەت اياق باسقالى تۇرمىن. قازاقستاننىڭ تاڭعاجايىپ ءتول مادەنيەتى، كوز تارتار تابيعاتى، دوس پەيىلدى جانە قوناقجاي حالقى - وسىنىڭ ءبارى مەنىڭ جان دۇنيەمدە ەرەكشە جاناشىرلىق وياتادى. مەن زور ءۇمىت ارتىپ وتىرعان الداعى ساپار جاڭا قازاقستاننىڭ جەتىستىكتەرى مەن بۇگىنگى كەلبەتىنە ءسۇيىنىپ قاراپ، تامسانۋعا عانا ەمەس، پرەزيدەنت قاسىم- جومارت توقايەۆپەن ەكىجاقتى سەرىكتەستىكتىڭ وزەكتى ماسەلەلەرىن تالقىلاپ، ش ى ۇ- نى ءارى قاراي دامىتۋدىڭ جانە قىتاي-قازاق قارىم- قاتىناسىنىڭ باسىم باعىتتارىن ايقىنداۋعا مۇمكىندىك بەرەدى»، - دەپ جازادى شي جينپيڭ.
قىتاي باسشىسى ەكى ەلدىڭ تاتۋ كورشىلىكتى تۋ ەتىپ دامۋى ۋاقىتتىڭ تالابى ەكەنىن ايتادى.
«وسىناۋ سان عاسىرلىق دوستىق ءبىزدىڭ ەلدەردىڭ اراسىنداعى قارىم-قاتىناستى دامىتۋ تاريحتىڭ پارمەنى، ۋاقىتتىڭ قالاۋى ەكەنىن كورسەتەدى»، - دەيدى ق ح ر ءتوراعاسى.
بۇعان دەيىن حابارلانعانىنداي، 2-4-شىلدە كۇندەرى پرەزيدەنت قاسىم- جومارت توقايەۆتىڭ شاقىرۋىمەن قىتاي حالىق رەسپۋبليكاسىنىڭ ءتوراعاسى شي جينپيڭ قازاقستانعا مەملەكەتتىك ساپارمەن كەلەدى. ول سونداي-اق، شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24- وتىرىسىنا قاتىسادى.
