قىتاي بانكىنىڭ بۇرىنعى ءتوراعاسى ءولىم جازاسىنا كەسىلدى

استانا. قازاقپارات - سەيسەنبى كۇنى قىتاي بانكىنىڭ بۇرىنعى ءتوراعاسى ليۋ ليانگە پارا العانى جانە زاڭسىز نەسيە بەرگەنى ءۇشىن ەكى جىلعا كەشىكتىرىلىپ، ءولىم جازاسىنا كەسىلدى. بۇل تۋرالى شينحۋا اگەنتتىگى حابارلادى، دەپ حابارلايدى قازاقپارات.

اقپاراتقا سايكەس، شاندۋڭ پروۆينسياسىنىڭ جينان قالاسىنىڭ حالىق سوتى ليۋ ليانگەنى شامامەن 16,8 ميلليون دوللار كولەمىندە پارا العانى ءۇشىن كىنالى دەپ تاپتى.

سوت انىقتاعانداي، ليۋ ليانگە 2010-2023 -جىلدار ارالىعىندا قىتاي ەكسپورتتىق-يمپورتتىق بانكى مەن قىتاي بانكىندە باسشىلىق قىزمەتتەردى قوسا العاندا، ءارتۇرلى لاۋازىمداردى اتقارا وتىرىپ، ءۇشىنشى تۇلعالاردىڭ مۇددەسى ءۇشىن ءوزىنىڭ قىزمەتتىك وكىلەتتىكتەرىن اسىرا پايدالانىپ، ولارعا نەسيەلىك قارجىلاندىرۋ، جوبالار بويىنشا ىنتىماقتاسۋ جانە كادرلىق تاعايىنداۋ سياقتى ماسەلەلەردە كومەك كورسەتىپ، ونىڭ ورنىنا پارا الىپ وتىرعان.

سونىمەن قاتار، سوتتالۋشى زاڭ نورمالارىن بۇزا وتىرىپ، قاجەتتى تالاپتارعا ساي كەلمەيتىن كومپانيالارعا جالپى سوماسى 3,32 ميلليارد  يۋاننان استام نەسيە بەرۋگە كومەكتەسكەنى، سالدارىنان نەگىزگى قارىز سوماسى 190,7 ميلليون يۋاننان اسقانى انىقتالدى.

اۆتور
زارينا تۋعانبايەۆا