قىتاي ايدىڭ ەڭ قاراڭعى كراتەرلەرىن زەرتتەيدى
استانا. KAZINFORM - قىتاي «چانە-7» اي ميسسياسىن ۇشىرۋعا دايىندالىپ جاتىر. زوند «Long March-5 Y14» زىمىران-تاسىعىشىمەن بىرگە حاينان پروۆينتسياسىنداعى ۆەنچان كوسمودرومىنىڭ ۇشىرۋ الاڭىنا جەتكىزىلدى، دەپ حابارلايدى شينحۋا.
ۇشىرۋ الدىندا ماماندار جابدىقتارعا سوڭعى تەكسەرۋلەر جۇرگىزىپ، جۇيەلەردىڭ بىرلەسكەن سىناقتارىن وتكىزەدى جانە زىمىراندى وتىنمەن تولتىرادى. ناقتى ۇشىرۋ ۋاقىتى ازىرگە اتالعان جوق - ونى قولايلى ساتتە جۇزەگە اسىرۋ جوسپارلانىپ وتىر.
زەرتتەۋدىڭ ماقساتى قانداي؟
«چانە-7» ميسسياسىنىڭ باستى ماقساتى - ايدىڭ وڭتۇستىك پوليۋسىن، سونىڭ ىشىندە ۇنەمى كولەڭكەدە قالاتىن كراتەرلەردى زەرتتەۋ.
ميسسيا بىردەن بىرنەشە اپپاراتتان تۇرماق: وربيتالىق اپپارات، قوندىرۋ مودۋلى، ايجۇرۋشى (لۋنوحود) جانە شاعىن «سەكىرگىش» زوند (حوپپەر). سوڭعىسى بەتكەيمەن سەكىرۋ ارقىلى قوزعالىپ، قول جەتكىزۋگە قيىن ۋچاسكەلەردى زەرتتەي الادى.
اي بەتىندەگى جۇمساق قونۋ تەحنولوگيالارىن جەتىلدىرۋ جولدارى
ميسسيا اياسىندا قىتاي اي بەتىنە جوعارى دالدىكپەن جۇمساق قونۋ، اي بەتىندە قوزعالۋ، سونداي-اق ونىڭ رەسۋرستارى مەن قورشاعان ورتاسىن زەرتتەۋ تەحنولوگيالارىن پىسىقتاۋعا نيەتتى.
جوبادا حالىقارالىق ىنتىماقتاستىق تا قاراستىرىلعان.
ەسكە سالايىق، بۇعان دەيىن قىتاي العاش رەت زىمىراندى ءساتتى ۇشىرىپ، ونىڭ ءبىرىنشى ساتىسىن جەرگە قايتاردى.
